Беларусь і Туркменістан

Дыпламатычныя адносіны паміж Рэспублiкай Беларусь i Турменiстанам ўсталяваны 21 студзеня 1993 г. За мінулыя гады паміж нашымі дзяржавамі закладзены трывалы падмурак для развіцця супрацоўніцтва. З кастрычніка 1995 г. у г.Мінску функцыянуе Пасольства Туркменістана, з ліпеня 2002 г. у г.Ашхабадзе пачало сваю працу Пасольства Рэспублікі Беларусь.

Напрацаваную за гады незалежнасці дагаворна-прававую базу супрацоўніцтва Беларусі і Туркменістана складаюць звыш за 100 пагадненняў рознага ўзроўню. 

Падтрымліваецца актыўны палітычны дыялог. У кастрычніку 2019 г. у рамках пасяджэння Савета кіраўнікоў дзяржаў СНД у г.Ашхабадзе адбылася двухбаковая сустрэча прэзідэнтаў дзвюх краін.

26 лютага 2021 г. адбылася анлайн-сустрэча сустаршыняў Міжурадавай Беларуска-Туркменскай камісіі па эканамічным супрацоўніцтве з удзелам прадстаўнікоў зацікаўленых міністэрстваў і кіраўнікоў дыпмісій дзвюх краін. 

Канструктыўны характар маюць кантакты паміж МЗС. Беларусь і Туркменістан паспяхова ўзаемадзейнічаюць на міжнароднай арэне, аказваюць узаемную падтрымку на выбарах у органы ААН. 6 студзеня 2021 г. прайшла анлайн-сустрэча кіраўнікоў знешнепалітычных ведамстваў дзвюх краін. 28 лютага 2023 г. адбыліся беларуска-туркменскія кансультацыі паміж МЗС.

Прыярытэтным напрамкам двухбаковага ўзаемадзеяння з'яўляецца ўзаемавыгаднае гандлёва-эканамічнае супрацоўніцтва.

У 2021 года тавараабарот склаў 20,79 млн. долараў, беларускі экспарт – 13,6 млн. долараў.

На туркменскім рынку традыцыйна шырока прадстаўлены асартымент прадуктаў харчавання, беларускія лекавыя сродкі. Ажыццяўляюцца пастаўкі аўтамабільных шын і акумулятараў, прадукцыі дрэваапрацоўкі і шэрага іншых найменняў тавараў. У народнай гаспадарцы Туркменістана паспяхова “працуе” беларуская аўтамабільная, трактарная і сельскагаспадарчая тэхніка.

З Туркменістана імпартуецца бялізна пасцельная, сталовая і кухонная, тканіны баваўняныя, адзенне тэкстыльнае, посуд і прадметы хатняга ўжытку з пластмас, нафтапрадукты.

Уклад у пашырэнне таварнай наменклатуры ўзаемных паставак уносіць праца створаных у Ашхабадзе і Мінску нацыянальных гандлёвых дамоў.

Актыўна развіваюцца гуманітарныя сувязі. У беларускіх навучальных установах вучацца каля 4 тыс. грамадзян Туркменістана. 17 лістапада 2023 г. у г. Мінску адбылося трэцяе пасяджэнне Міжурадавай Беларуска-Туркменскай камісіі па супрацоўніцтве ў галіне навукі і тэхналогій. Добрай традыцыяй стала ўзаемнае правядзенне Дзён культуры.

Вярнуцца да асноўнага артыкулу