Выдача біяметрычных пашпартоў у МЗС

У галоўным консульскім упраўленні МЗС прымаюцца дакументы для выдачы (абмену) ідэнтыфікацыйнай карткі і (або) біяметрычнага пашпарта толькі грамадзянам, якія аформілі выезд для сталага пражывання (якія аформілі сталае пражыванне) за межамі Рэспублікі Беларусь у адпаведнасці з заканадаўствам Рэспублікі Беларусь.

Прыём ажыццяўляецца па папярэднім запісе.

Запісацца можна:

• па электроннай пошце consul@mfa.gov.by, тэма паведамлення – «ЗАПІС НА АТРЫМАННЕ БІЯМЕТРЫЧНЫХ ДАКУМЕНТАЎ» (прапіснымі літарамі); або
• па тэлефоне: + 375 (17) 379 96 67.

Пры звароце па электроннай пошце просьба пазначыць:

• прозвішча, імя, імя па бацьку заяўніка (бацькі або маці, калі дакументы падаюцца ў дачыненні да непаўналетняга);
• серыю і нумар пашпарта (пры наяўнасці);
• дзяржаву сталага пражывання.

1. Выдача ідэнтыфікацыйнай карткі грамадзяніна Рэспублікі Беларусь
2. Абмен ідэнтыфікацыйнай карткі грамадзяніна Рэспублікі Беларусь
3. Выдача (абмен) біяметрычнага пашпарта грамадзяніна Рэспублікі Беларусь

У якасці альтэрнатывы, грамадзяне Беларусі, якім аформлены выезд для сталага жыхарства (аформлена сталае жыхарства) за межамі Рэспублікі Беларусь могуць атрымаць біяметрычныя дакументы ў падраздзяленні па грамадзянстве і міграцыі па месцы апошняй рэгістрацыі ў Беларусі сябе або сваіх бацькоў.

У выпадку звароту па пытанні выдачы (абмену) ідэнтыфікацыйнай карткі або біяметрычнага пашпарта непаўналетняму, які не дасягнуў 14-гадовага ўзросту, законны прадстаўнік падае дакументы, якія пацвярджаюць яго статус у дачыненні да непаўналетняга (пасведчанне аб нараджэнні непаўналетняга і г. д.).

Акрамя таго, заяўнікам прадстаўляецца дакумент, які пацвярджае законнасць пражывання ў замежнай дзяржаве. Пра неабходнасць паведамлення аб атрыманні / наяўнасці замежнага дакумента – інфармацыя ў спасылцы.
______________________________________________________________
Заканадаўства па пытаннях выдачы (абмену) ідэнтыфікацыйнай карткі і біяметрычнага пашпарта ў МЗС Беларусі:

• Закон Рэспублікі Беларусь ад 28.10.2008 № 433-З «Аб асновах адміністрацыйных працэдур»;
• Указ Прэзідэнта Рэспублікі Беларусь ад 26.04.2010 № 200 «Аб адміністрацыйных працэдурах, якія ажыццяўляюцца дзяржаўнымі органамі і іншымі арганізацыямі па заявах грамадзян»;
• Указ Прэзідэнта Рэспублікі Беларусь ад 03.06.2008 № 294 «Аб дакументаванні насельніцтва Рэспублікі Беларусь»;
• Указ Прэзідэнта Рэспублікі Беларусь ад 04.09.2023 № 278 «Аб парадку выдачы дакументаў і ажыццяўленні дзеянняў»