Старшынства Беларусі ў ЕЭАС у цытатах МЗС

Міністр М.Рыжанкоў у інтэрв'ю тэлеканалу «Беларусь 1» (18 сакавіка 2025 г.)

Нашы прыярытэты як Старшыні ў ЕАЭС вельмі зразумелыя. Гэта эканамічная інтэграцыя, інавацыйнае супрацоўніцтва, укараненне большай цыфравізацыі ў адносінах паміж намі, імпартазамяшчальныя праекты, у тым ліку прамысловай кааперацыі, гуманітарны напрамак і павышэнне міжнароднага пазіцыянавання нашай арганізацыі. Цэлы шэраг ёсць прапаноў беларускага боку, у тым ліку і атрыманне адпаведнага статусу ЕАЭС у ААН як партнёра гэтай міжнароднай арганізацыі.

Намеснік Міністра П.Уцюпін у рамках круглага стала «Будучыня ЕАЭС: Беларусь на перадавой інтэграцыйных працэсаў» (19 сакавіка 2025 г.)

З кожным годам эфектыўнасць інтэграцыйнай работы ў ЕАЭС павялічваецца. Лічбы паказваюць, наколькі эфектыўна эканомікі краін ЕАЭС развіваліся дзякуючы членству ў саюзе. І гэтыя лічбы дастаткова уражальныя, на мой погляд. Другі год запар тэмпы эканамічнага росту дзяржаў – членаў ЕАЭС знаходзяцца вышэй за сярэднесусветныя. Паводле папярэдняй ацэнкі ЕЭК, сукупны ВУП ЕАЭС у 2024 годзе вырас на 4%, што вышэй за ўзровень папярэдняга года (3,8%) і сярэднесусветнага (3,2%). Знешні гандаль непасрэдна залежыць ад тых эканамічных працэсаў, якія адбываюцца ў эканоміках краін ЕАЭС, і паказвае іх канкурэнтаздольнасць. Вынікі ўзаемнага гандлю паміж дзяржавамі – членамі ЕАЭС на працягу 10 гадоў дэманструюць выключна станоўчую дынаміку: з 2015 года ўнутраны гандаль вырас у два разы. Па выніках 2024 года яе аб'ём наблізіўся да $100 млрд. Доля ўзаемнага гандлю ў знешнегандлёвым абароце ЕАЭС склала амаль 20%, што з'яўляецца максімальным значэннем з моманту стварэння саюза.

Пасол Беларусі ў Расіі А.Рагожнік у інтэрв'ю «Расійскай газеце» (2 красавіка 2025 г.)

Наша краіна паслядоўна прасоўвае ініцыятывы па фарміраванні збалансаванага аграрнага рынку Саюза, заснаванага на паглыбленай міждзяржаўнай кааперацыі і адзіных стандартах бяспекі. Асаблівую ўвагу прапануем надаць пытанням стварэння адзіных рынкаў насення сельскагаспадарчых раслін і племянных жывёл, фарміраванню агульнага рынку арганічнай сельскагаспадарчай прадукцыі. Адначасова лічым важным сканцэнтравацца на ўкараненні і развіцці лічбавых сістэм кіравання бяспекай прадукцыі і магчымасці «адсачыць» тавар «ад поля да прылаўка», імпартазамяшчэнні, развіцці ўласных навукова-тэхналагічных даследаванняў.