Беларусь і Узбекістан

Дыпламатычныя адносіны паміж Рэспублікай Беларусь і Рэспублікай Узбекістан усталяваны 21 студзеня 1993 г. Пасольства Рэспублікі Беларусь у Рэспубліцы Узбекістан адкрыта ў лютым 1994 г. Пасольства Рэспублікі Узбекістан у Рэспубліцы Беларусь пачало сваю работу ў сакавіку 2018 г.

У верасні 2018 г. адбыўся афіцыйны візіт Прэзідэнта Рэспублікі Беларусь А.Р.Лукашэнкі ў Рэспубліку Узбекістан. Падпісана 19 двухбаковых дакументаў у розных сферах супрацоўніцтва.

31 ліпеня – 1 жніўня 2019 г. праведзены афіцыйны візіт у Рэспубліку Беларусь Прэзідэнта Узбекістана Ш.Мірзіёева. Падчас візіта арганізаваны першы Форум рэгіёнаў Беларусі і Узбекістана, Нацыянальная выстава ўзбекскай прадукцыі «Made in Uzbekistan» і Дні культуры Узбекістана.

У 2021 годзе адбыўся шэраг сустрэч Прэзідэнта Рэспублікі Беларусь А.Р. Лукашэнкі і Прэзідэнта Узбекістана Ш.Мірзіёева ў рамках шматбаковых мерапрыемстваў.

У маі 2021 года Прэм'ер-міністр Рэспублікі Узбекістан наведаў з рабочым візітам г.Мінск дзеля ўдзелу ў пасяджэнні Савета кіраўнікоў урадаў СНД.

З візітамі Рэспубліку Узбекістан наведалі Намеснік Прэм'ер-міністра Рэспублікі Беларусь у сакавіку, Першы намеснік Прэм'ер-міністра Рэспублікі Беларусь у ліпені 2021 года.

У 2021 годзе тавараабарот з Узбекістанам дасягнуў 301,9 млн. долараў, у тым ліку экспарт – 245,4 млн. долараў. 

Ва Узбекістан экспартуюцца пераважна аўтамабілі грузавыя, ялавічына, трактары, цукар, лекавыя сродкі, вакцыны, сухое малако, часткі і прыналежнасці для трактароў, палімеры вінілхларыду, мяса птушкі, газавыя пліты, рэнтгенаўская апаратура, сыры.

Аснову імпарту з Узбекістана складаюць баваўняная пража, сухафрукты, вінаград свежы і сушаны, металапракат з медзі, бялізна пасцельная, арэхі, трыкатажныя палотны, тэкстыльныя вырабы. 

У сакавіку 2021 г. у г.Ташкенце праведзена восьмае пасяджэнне Сумеснай міжурадавай камісіі па двухбаковым супрацоўніцтве паміж Рэспублікай Беларусь і Рэспублікай Узбекістан. 

У сакавіку 2021 г. у г.Ташкенце адбыліся кансультацыі паміж знешнепалітычнымі ведамствамі Беларусі і Узбекістана.

На тэрыторыі Рэспублікі Узбекістан дзейнічае зборачная вытворчасць беларускай тэхнікі з удзелам беларускага капіталу – СП ТАА «AMKODOR-AGROTEXMASH», прадпрыемства па вырабу абутку «UzShoes», заснавальнікам якога з’яўляецца беларускі холдынг «Марко», вытворчасць зварачных электродаў з удзелам ТАА «Светлагорскі завод зварачных электродаў», сумесныя праекты па вытворчасці лекавых сродкаў. 

Вярнуцца да асноўнага артыкулу