Падтрымка натуральнай сям'і на міжнароднай арэне

У апошнія гады на глабальным узроўні ідзе актыўная дыскусія па тэме сям'і: яе ролі ў грамадстве, формы сям'і, узаемадзеянне ўнутры сям'і.

Беларусь актыўна ўключылася ў гэту дыскусію ў канцы 2013 года, адстойваючы цэннасці натуральнай сям'і. У прыватнасці, Рэспубліка Беларусь актыўна ўзаемадзейнічала з зацікаўленымі краінамі па замацаванню тэматыкі натуральнай сям'і ў шэрагу дакументаў ААН, у тым ліку ў рамках перагаворнага працэсу па распрацоўцы парадку дня ў галіне ўстойлівага развіцця на перыяд да 2030 года.

У лютым 2015 года Беларусь стала адным з ініцыятараў стварэння ў Арганізацыі Аб'яднаных Нацый Групы сяброў сям’і, якая аб’ядноўвае 25 дзяржаў-членаў ААН з усіх рэгіёнаў свету.

Група сяброў сям'і ставіць мэту садзейнічаць ажыццяўленню на глабальным узроўні стратэгій, планаў і мер, якія адпавядаюць інтарэсам натуральнай сям'і, у прыватнасці:

— неабходнасць захавання мадэляў натуральнай сям'і і прапаганды сямейных каштоўнасцей у сучасным свеце;

— улік дзяржавамі і органамі сістэмы ААН ролі натуральнай сям’і для ўстойлівага сацыяльнага і эканамічнага развіцця чалавечага грамадства;

— падтрымка натуральнай сям’і на нацыянальным і міжнародным узроўнях праз распрацоўку і рэалізацыю адпаведных праграм і стратэгій.