Заява міністраў замежных спраў Азербайджана, Беларусі, Казахстана, Кыргызстана, Расіі, Сербіі, Таджыкістана, Туркменістана, Узбекістана з нагоды 80-годдзя Перамогі над нацызмам у Другой сусветнай вайне (5 снежня 2025 г., СМЗС АБСЕ)

Мы, міністры замежных спраў Азербайджанскай Рэспублікі, Рэспублікі Беларусь, Рэспублікі Казахстан, Кыргызскай Рэспублікі, Расійскай Федэрацыі, Рэспублікі Сербія, Рэспублікі Таджыкістан, Туркменістана, Рэспублікі Узбекістан,

падкрэсліваючы непераходзячую значнасць для ўсяго чалавецтва Перамогі над нацызмам у Другой сусветнай вайне і нагадваючы ў сувязі з гэтым, што ў 2025 годзе адзначаецца 80-я гадавіна Вялікай Перамогі,

прызнаючы значэнне вынікаў Перамогі над нацызмам у 1945 годзе і рашэнняў Нюрнбергскага трыбунала, закліканых прадухіліць паўтарэнне памылак мінулага і пазбавіць свет ад бедстваў вайны,

з занепакоенасцю адзначаючы распаўсюджванне розных экстрэмісцкіх рухаў і ідэалогій расісцкага і ксенафобскага кшталту, уключаючы неанацызм, які не зводзіцца толькі да гераізацыі руху, які існаваў у мінулым, а ўяўляе сабой сучасную з'яву, прыхільнікі якой адстойваюць ідэі нацыянальнай або расавай перавагі,

абапіраючыся на прынятую 17 снежня 2024 года рэзалюцыю Генеральнай Асамблеі ААН "Барацьба з гераізацыяй нацызму, неанацызмам і іншымі відамі практыкі, якія садзейнічаюць эскалацыі сучасных форм расізму, расавай дыскрымінацыі, ксенафобіі і звязанай з імі нецярпімасці",

пацвярджаем сваю прыхільнасць намаганням па недапушчэнні перагляду або скажэнні вынікаў Другой сусветнай вайны, перамяншэння ўкладу народаў Савецкага Саюза і вызваленчых рухаў еўрапейскіх краін у разгром нацызму,

выказваем намер рашуча спыняць дзейнасць, накіраваную на гераізацыю нацысцкага руху, рэабілітацыю былых членаў «Вафен СС», адмаўленне ўчыненых імі ваенных злачынстваў і злачынстваў супраць чалавечнасці,

перакананы ў важнасці работы ў маладзёжным асяроддзі, перш за ўсё ў інфармацыйнай прасторы, у мэтах прафілактыкі распаўсюджвання ідэалогіі неанацызму і ваяўнічага нацыяналізму,

лічым неабходным выкарыстоўваць усе магчымасці АБСЕ для барацьбы з распаўсюджваннем ідэй расавай перавагі, праявамі расізму, ксенафобіі і звязанай з імі нецярпімасці,

заклікаем Дзеючае старшынства АБСЕ, а таксама кіраўнікоў выканаўчых структур АБСЕ даваць належную ацэнку выпадкам праяўлення неанацызму, гераізацыі і рэабілітацыі нацыстаў і іх памагатых,

прапануем аб'яднаць міжнародныя намаганні па захаванні гістарычнай памяці аб Другой сусветнай вайне і супрацьдзеянні любым праявам неанацызму.

версія для друку