Памер шрыфта:

Устойлівае развіццё

У верасні 2015 г. дзяржавы-члены ААН прынялі Парадак дня ў галіне ўстойлівага развіцця на перыяд да 2030 года (Парадак дня – 2030).

Складовай часткай Парадку дня з'яўляюцца 17 Мэт устойлівага развіцця (МУР) і 169 падпарадкаваных ім задач, якія неабходна дасягнуць да 2030 года. Прагрэс у дасягненні Мэт кантралюецца і адсочваецца пры дапамозе набору глабальных паказчыкаў. Прыняцце новага Парадку дня запатрабавала ад усіх дзяржаў перагляду і канкрэтызацыі нацыянальных планаў і механізмаў дасягнення ўстойлівага развіцця грамадства з улікам МУР.

Беларусь прыхільна ажыццяўленню Парадку дня – 2030 і распачала шэраг важных крокаў для яго рэалізацыі. У мэтах фарміравання выразнага механізму рэалізацыі Парадку дня і ажыццяўлення агульнай каардынацыі дзейнасці па дасягненню Беларуссю МУР Прэзідэнтам Рэспублікі Беларусь быў створаны пост Нацыянальнага каардынатара па дасягненню Мэт устойлівага развіцця. З 2017 па 2020 год яго займала намеснік Старшыні Савета Рэспублікі Нацыянальнага сходу Рэспублікі Беларусь Марыяна Шчоткінай; с 13 лютага 2020 г. па 21 лютага 2022 г. – Анатоль Ісачанка. У лютым 2022 г. на пасаду Нацыянальнага каардынатара па дасягненню Мэт устойлівага развіцця быў прызначаны Леанід Заяц.

У перыяд з 13 лютага 2020 г. па 21 лютага 2022 г. пасаду Нацыянальнага каардынатара па дасягненні Мэт устойлівага развіцця займаў Анатоль Ісачэнка.

У лютым 2022 года на пасаду Нацыянальнага каардынатара быў прызначаны намеснік Старшыні Савета Рэспублікі Нацыянальнага сходу Рэспублікі Беларусь Леанід Заяц. 

Пад кіраўніцтвам Нацыянальнага каардынатара сфарміраваны Савет па ўстойліваму развіццю, у які ўвайшлі прадстаўнікі дзяржаўных органаў на ўзроўні намеснікаў кіраўнікоў. Прадугледжана магчымасць прыцягнення да працы Савета прадстаўнікоў дзелавых колаў, грамадскіх аб'яднанняў і міжнародных арганізацый. Нацыянальны каардынатар арганізуе ў рамках Савета разгляд розных аспектаў выканання МУР і штогод дакладвае Прэзідэнту і Ураду аб прагрэсе выканання МУР, а таксама ўносіць рэкамендацыі па павышэнні эфектыўнасці гэтай працы. Забеспячэнне дзейнасці Нацыянальнага каардынатара і Савета па ўстойліваму развіццю ажыццяўляецца Міністэрствам замежных спраў.

Беларусь прадпрымае намаганні па рэалізацыі МУР на ўсіх трох узроўнях: нацыянальным, рэгіянальным і глабальным. Беларусь прадставіла свой добраахвотны нацыянальны агляд у 2017 годзе ў штаб-кватэры ААН у Нью-Ёрку, у якім былі адлюстраваны стартавыя падыходы да дасягнення шэрагу МУР.

У 2018 годзе арганізаваны рэгіянальны форум нацыянальных каардынатараў па МУР з дзяржаў Еўропы і Цэнтральнай Азіі. Яго мэта – наладжванне супрацоўніцтва паміж нацыянальнымі інстытутамі, адказнымі за дасягненне МУР. Выніковым дакументам форуму стала рэзюмэ старшыні. У працы рэгіянальнага форуму прыняла ўдзел першы намеснік Генеральнага сакратара ААН Аміна Махамед, якая высока ацаніла намаганні Беларусі ў галіне рэалізацыі МУР.

У 2019 годзе быў праведзены шырокамаштабны Нацыянальны форум па ўстойліваму развіццю, удзел у якім узялі больш за 450 чалавек, у тым ліку прадстаўнікі кіраўніцтва ўрада, парламента і органаў дзяржаўнага кіравання. Падрабязней тут.


Лагатыпы «Мэты ўстойлівага развіцця ў Беларусі» (для запампоўкі)

Правілы выкарыстання нацыянальнай версіі значкоў Мэт устойлівага развіцця (МУР) і лагатыпа МУР

Стартавыя пазіцыі Беларусі па дасягненню Мэт устойлівага развіцця

Каардынатары партнёрскай групы устойлівага развіцця

Дыпмісіі Беларусі за мяжой

Усе дыпмісіі Замежныя дыпмісіі ў Беларусі
Перайсці

Відэа МЗС

Aрхіў

Афіцыйныя інтэрнэт-рэсурсы