Абмен ідэнтыфікацыйнай карткі грамадзяніна Рэспублікі Беларусь

Для абмену ідэнтыфікацыйнай карткі:

грамадзяніну, які дасягнуў 14-гадовага ўзросту, патрэбна прадставіць:

• заяву (спецыяльнай формы, друкуецца на месцы);
   
• ідэнтыфікацыйную картку, якая падлягае абмену;
   
• дакументы, якія пацвярджаюць унясенне змяненняў, выпраўленняў (пры неабходнасці):

1. пасведчанне (дакумент) аб нараджэнні заяўніка;
    
2. пасведчанне (дакумент) аб заключэнні шлюбу – у выпадку, калі заяўнік знаходзіцца ў шлюбе;
    
3. пасведчанне (дакумент) аб скасаванні шлюбу або копію рашэння суда аб скасаванні шлюбу – у выпадку скасавання заяўнікам шлюбу;
    
4. пасведчанне аб змене імя – у выпадку змены заяўнікам прозвішча, уласнага імя, імя па бацьку;

• дакумент, які пацвярджае аплату.

Сума аплаты:

• бясплатна – для грамадзян Рэспублікі Беларусь, якія знаходзяцца на поўным дзяржаўным забеспячэнні;
   
• 1 базавая велічыня – для грамадзян, якія дасягнулі агульнапрынятага пенсійнага ўзросту, і інвалідаў I і II групы;
   
• 1,5 базавай велічыні – для іншых грамадзян Рэспублікі Беларусь;
   
• 1 базавая велічыня дадаткова – за выдачу (абмен) ідэнтыфікацыйнай карткі ў паскораным парадку;
   
• 2 базавыя велічыні дадаткова – за выдачу (абмен) ідэнтыфікацыйнай карткі ў тэрміновым парадку.

Тэрмін гатоўнасці дакумента – да 15  працоўных дзён (у паскораным парадку - да 10 працоўных  дзён, у тэрміновым - да 5 працоўных дзён).

- грамадзяніну, які не дасягнуў 14-гадовага ўзросту; законны прадстаўнік непаўналетняга грамадзяніна Рэспублікі Беларусь прадстаўляе:

• заяву (спецыяльнай формы, друкуецца на месцы);
   
• ідэнтыфікацыйную картку непаўналетняга, якая падлягае абмену;
   
• дакументы, якія пацвярджаюць унясенне змяненняў, выпраўленняў (пры неабходнасці):

1. пасведчанне (дакумент) аб нараджэнні непаўналетняга.

Сума аплаты: бясплатна.

Тэрмін гатоўнасці дакумента – да 15 працоўных дзён (у паскораным парадку - да 10 працоўных  дзён, у тэрміновым - да 5 працоўных дзён).