Заява прэс-сакратара Міністэрства замежных спраў Беларусі Р.Варанкова адносна звароту Прэзідэнта ЗША ў адрас А.Р.Лукашэнкі

Беларускі бок атрымаў асабісты зварот Прэзідэнта Злучаных Штатаў Амерыкі спадара Дональда Трампа ў адрас Прэзідэнта Рэспублікі Беларусь Аляксандра Рыгоравіча Лукашэнкі.

У звароце Беларусі ў кантэксце ўрэгулявання сітуацыі ў Газе прапануецца стаць заснавальнікам Савета міру – новай міжнароднай арганізацыі.

Мы высока цэнім, што амерыканскі бок бачыць Беларусь, і гэта непасрэдна пазначана ў тэксце звароту, як дзяржаву, гатовую ўзяць на сябе высакародную адказнасць за пабудову трывалага міру і весці за сабой сілай прыкладу, інвеставаць у будучыню ў бяспецы і росквіце для наступных пакаленняў.

Мы таксама разглядаем гэтую прапанову як прызнанне асабістых заслуг і міжнароднага аўтарытэту Кіраўніка беларускай дзяржавы.

Прапанова была дакладзена Прэзідэнту Рэспублікі Беларусь і ўспрынята ім станоўча.

Наша пазіцыя такая: мы гатовыя прыняць удзел у дзейнасці Савета міру, улічваючы і спадзеючыся, што гэтая арганізацыя пашырыць свае рамкі і паўнамоцтвы далёка за межы прапанаванага ў ініцыятыве мандата. Гэта дазволіць ёй актыўна ўдзельнічаць у глабальных працэсах па ўрэгуляванні любых міжнародных канфліктаў, што у канчатковым выніку паспрыяе пабудове новай архітэктуры бяспекі, ідэя якой актыўна прасоўваецца Беларуссю ў апошнія гады.