Заява прэс-службы Міністэрства замежных спраў Рэспублікі Беларусь у сувязі з тэрарыстычнымі актамі ў Інданезіі

14-01-16

У Беларусі рашуча асуджаюць тэрарыстычныя акты, учыненыя 14 студзеня 2016 года ў сталіцы Інданезіі г.Джакарце.

Рэспубліка Беларусь лічыць, што міжнародны тэрарызм з'яўляецца адной з самых сур'ёзных пагроз сучаснасці, і заяўляе аб поўнай падтрымцы намаганняў міжнароднай супольнасці, накіраваных на барацьбу з любымі праявамі гэтай з'явы.

Выказваем шчырыя спачуванні родным і блізкім загінулых і спагаду ўсім пацярпелым.

 Мінск, 14 студзеня 2016 г.