Аб удзеле кіраўніцтва і супрацоўнікаў МЗС Беларусі ў акцыі «Лес! Дабро! Парадак!»

18 красавіка 2026 г. кіраўніцтва і супрацоўнікі Міністэрства замежных спраў Рэспублікі Беларусь і Нацыянальнага цэнтра падтрымкі экспарту ў рамках рэспубліканскага суботніка ўзялі ўдзел у акцыі «Лес! Дабро! Парадак!». Акцыя прысвечана пяцігодцы якасці, абвешчанай з ініцыятывы Кіраўніка дзяржавы.

«Будучы тут – у тыя часы, калі працуем на Радзіме, – вядома, хочацца далучыцца да прыроды, закласці асновы беларускай зялёнай прасторы, якая нас усіх акружае, якую мы так любім, якая нас так цягне з любога кутка замежжа назад у нашую краіну», – адзначыў Міністр замежных спраў Беларусі Максім Рыжанкоў.

Падчас акцыі больш за 50 супрацоўнікаў і членаў іх сем'яў сумесна з работнікамі Смалявіцкага лясгаса павысаджвалі каля 7,5 тыс. саджанцаў хвоі і 1,2 тыс. саджанцаў елкі на дзялянцы плошчай у 1,7 гектара, пацярпелай летась ад урагану.

версія для друку