Аб удзеле намесніка Міністра замежных спраў Беларусі П.Уцюпіна ў мітынгу-рэквіеме памяці Героя Савецкага Саюза Д.Азізава

7 мая 2026 г. намеснік Міністра замежных спраў Рэспублікі Беларусь Павел Уцюпін узяў удзел ва ўрачыстым мітынгу-рэквіеме, прысвечаным памяці Героя Савецкага Саюза Дамула Азізава. 

Мерапрыемства было арганізавана сумесна ДУА «Сярэдняя школа № 35 г.Мінска імя Героя Савецкага Саюза Д.Азізава», Пасольствам Рэспублікі Таджыкістан у Рэспубліцы Беларусь, Выканаўчым камітэтам СНД і адміністрацыяй Цэнтральнага раёна г.Мінска.

Удзельнікі мерапрыемства ўсклалі кветкі да мемарыяльнай дошцы на адным з дамоў вуліцы, названай у гонар Д.Азізава, і прайшлі да будынка сярэдняй школы № 35 імя Д.Азізава, на фасадзе якога размешчаны мурал, прысвечаны подзвігу героя. Тут прагучалі памятныя словы ад навучэнцаў школы.

Звяртаючыся да прысутных, П.Уцюпін адзначыў вырашальны ўнёсак усіх народаў СССР у перамогу над фашызмам, асабліва падкрэсліўшы мужнасць таджыкскіх воінаў і асабісты подзвіг малодшага сяржанта Д.Азізава.

Намеснік Міністра выказаў удзячнасць Пасольству Таджыкістана, адміністрацыі Цэнтральнага раёна г.Мінска, а таксама калектыву сярэдняй школы № 35 за актыўную працу па захаванні гістарычнай памяці і патрыятычным выхаванні моладзі.

П.Уцюпін павіншаваў усіх прысутных з хуткім Днём Перамогі, адзначыўшы, што агульная памяць пра подзвіг продкаў працягвае змацоўваць сяброўства народаў Беларусі і Таджыкістана.

Па завяршэнні афіцыйнай часткі ўдзельнікі наведалі школьны музей памяці Д.Азізава.

Ва ўрачыстым мерапрыемстве таксама ўдзельнічалі Надзвычайны і Паўнамоцны Пасол Рэспублікі Таджыкістан у Рэспубліцы Беларусь Бахтавар Сафарзода, першы намеснік Генеральнага сакратара СНД Ігар Петрышэнка, кіраўніцтва адміністрацыі Цэнтральнага раёна г.Мінска, прадстаўнікі Савета пастаянных паўнамоцных прадстаўнікоў дзяржаў – удзельніц Садружнасці пры статутных і іншых органах Садружнасці, дыпламатычнага корпусу, грамадскіх арганізацый, педагагічны склад і навучэнцы школы.

версія для друку