Аб удзеле першага намесніка Міністра замежных спраў Беларусі С.Лукашэвіча ва ўрачыстым мерапрыемстве з нагоды 100-гадовага юбілею Беларускага таварыства дружбы

14 красавіка 2026 г. першы намеснік Міністра замежных спраў Рэспублікі Беларусь Сяргей Лукашэвіч прыняў удзел ва ўрачыстым мерапрыемстве ў Беларускім таварыстве дружбы і культурнай сувязі з замежнымі краінамі з нагоды 100-гадовага юбілею арганізацыі. 

У сваёй віншавальнай прамове С.Лукашэвіч адзначыў, што Беларускае таварыства дружбы – даўні і надзейны партнёр Міністэрства замежных спраў, які робіць важны ўнёсак у пашырэнне кантактаў, умацаванне даверу і добрасуседства паміж краінамі і народамі, прасоўванне беларускай культуры за мяжой, рэалізацыю міжнародных гуманітарных праектаў.

Першы намеснік Міністра ўручыў старшыні прэзідыума Беларускага таварыства дружбы Ніне Івановай найвышэйшую ўзнагароду знешнепалітычнага ведамства – нагрудны знак адзнакі органаў дыпламатычнай службы «Партнёрства».

Шэраг актыўных членаў таварыства былі ўганараваны падзякай МЗС за вялікі асабісты ўнёсак у развіццё і ўмацаванне супрацоўніцтва Рэспублікі Беларусь з замежнымі краінамі.

версія для друку