Аб мерапрыемстве ў Аддзяленні ААН у Жэневе з нагоды Міжнароднага дня барацьбы з аднабаковымі прымусовымі мерамі

4 снежня 2025 г. Пастаянны прадстаўнік Беларусі ў Жэневе Ларыса Бельская прыняла ўдзел у Спецыяльнай канферэнцыі, арганізаванай Групай сяброў у абарону Статута ААН у Аддзяленні ААН у Жэневе, з нагоды Міжнароднага дня барацьбы з аднабаковымі прымусовымі мерамі. Гэты дзень адзначаецца ўпершыню згодна з рэзалюцыяй Генеральнай Асамблеі ААН, прынятай у чэрвені 2025 года.

Адзначыла, што Беларусь, як і міжнародная большасць, пераканана, што аднабаковыя прымусовыя меры супярэчаць міжнароднаму праву і Статуту ААН і падрываюць міждзяржаўнае супрацоўніцтва, заснаванае на прынцыпах павагі суверэнітэту і неўмяшання ва ўнутраныя справы.

Санкцыі прымяняюцца, як правіла, заходнімі дзяржавамі для прадушвання палітычных і эканамічных інтарэсаў іх эліт, якія масіравана выкарыстоўваюць аднабаковыя прымусовыя меры як зброю супраць суверэнных дзяржаў, не лічачыся з іх негатыўнымі наступствамі як для правоў чалавека, так і для сусветнай эканомікі, гандлю і ўстойлівага развіцця.

Беларускі дыпламат вітала дзейнасць Спецыяльнага дакладчыка па пытанні аб негатыўным уздзеянні аднабаковых прымусовых мер на ажыццяўленне правоў чалавека Алены Доўгань. Высілкамі спецдакладчыка сабрана шырокая доказная база разбуральнага ўплыву санкцый на правы чалавека, уключаючы базавыя правы на жыццё, здароўе, адукацыю і многія іншыя.

Л.Бельская заклікала ўдзельнікаў мерапрыемства садзейнічаць эфектыўнаму маніторынгу і ацэнцы ўздзеяння аднабаковых прымусовых мер на правы чалавека і актыўна выступаць супраць незаконных санкцыйных палітык.

Пастаянны прадстаўнік Беларусі падкрэсліла важнасць рашэння міжнароднай супольнасці, якая заснавала Міжнародны дзень барацьбы з санкцыямі, каб наблізіць поўную адмову ад іх выкарыстання ў міжнародных адносінах.

версія для друку