Аб тэлефоннай размове Міністра замежных спраў Беларусі М.Рыжанкова з Намеснікам Прэм'ер-міністра – Міністрам замежных спраў ААЭ

5 сакавіка 2026 г. Міністр замежных спраў Рэспублікі Беларусь Максім Рыжанкоў на даручэнне Кіраўніка беларускай дзяржавы правёў тэлефонную размову з намеснікам Прэм'ер-міністра – Міністрам замежных спраў і міжнароднага супрацоўніцтва Аб'яднаных Арабскіх Эміратаў Яго Высокасцю Абдалой бен Заедам Аль Нахаянам для абмеркавання сітуацыі на Блізкім Усходзе.

Кіраўнік беларускага знешнепалітычнага ведамства выказаў словы падтрымкі і салідарнасці кіраўніцтву і народу ААЭ ў сувязі з разбурэннямі і стратамі, панесенымі ў выніку блізкаўсходняга канфлікту.

Была выказана сур'ёзная занепакоенасць беларускага боку спробамі яго пашырэння на ААЭ, якія з'яўляюцца надзейным партнёрам і сябрам беларускага народа, паведамленнямі пра ахвяры сярод мірнага насельніцтва і нанесеную шкоду, падкрэслены негатыўныя наступствы канфлікту для рэгіянальнай і глабальнай эканомікі. 

Суразмоўцы адзначылі асаблівую важнасць неадкладнага пошуку доўгатэрміновага вырашэння канфлікту ў мэтах аднаўлення стабільнасці і бяспекі ў рэгіёне выключна дыпламатычным шляхам.

М.Рыжанкоў адзначыў, што Рэспубліка Беларусь праз свае кантакты з бакамі канфлікту прасоўвае неабходнасць спынення баявых дзеянняў і вяртання за стол перамоў.

Падкрэслена гатоўнасць Беларусі далучыцца да больш значных крокаў і ініцыятыў, накіраваных на дасягненне міру.

Эмірацкаму боку выказана асаблівая падзяка за клопат пра беларускіх грамадзян, якія змушана знаходзяцца ў ААЭ праз канфлікт, і аказанне дапамогі ў іх вяртанні ў Рэспубліку Беларусь.

Яго Высокасць Абдала бен Заед Аль Нахаян выказаў падзяку асабіста Кіраўніку беларускай дзяржавы і беларускаму боку за падтрымку і намаганні, што робяцца дзеля дээскалацыі канфлікту.

Кіраўнік МЗС ААЭ таксама праінфармаваў беларускага калегу пра развіццё сітуацыі ў рэгіёне.

Кіраўнік эмірацкага знешнепалітычнага ведамства запэўніў, што эмірацкі бок і далей працягне садзейнічаць беларускім грамадзянам. Падкрэслена гатоўнасць узмацніць каардынацыю з замежнымі ўстановамі Рэспублікі Беларусь у ААЭ па вырашэнні звязаных пытанняў.

версія для друку