Аб сустрэчы Міністра замежных спраў Беларусі М.Рыжанкова з Паслом В'етнама

23 мая 2025 г. Міністр замежных спраў Рэспублікі Беларусь Максім Рыжанкоў сустрэўся з Надзвычайным і Паўнамоцным Паслом Сацыялістычнай Рэспублікі В'етнам у Рэспубліцы Беларусь Нгуен Ван Нгы з нагоды завяршэння яго дыпламатычнай місіі ў Беларусі.

Бакі канстатавалі істотнае развіццё беларуска-в'етнамскіх адносін апошнімі гадамі, сведчаннем чаму сталі актывізацыя двухбаковых кантактаў, у тым ліку на вышэйшым узроўні, і нарошчванне эканамічнага супрацоўніцтва.

Асобна абмеркавалі вынікі афіцыйнага візіту Генеральнага сакратара Цэнтральнага камітэта Камуністычнай партыі В'етнама То Лама ў Беларусь 11–12 мая 2025 года. Адзначылі важнасць сумеснай работы з мэтай рэалізацыі дасягнутых падчас візіту дамоўленасцей у адпаведнасці з устаноўленым паміж Беларуссю і В'етнамам стратэгічным партнёрствам.

Максім Рыжанкоў падзякаваў Паслу за асабісты ўклад у пашырэнне і ўмацаванне нязменна дружалюбных беларуска-в'етнамскіх адносін.

версія для друку