Аб уручэнні Першаму намесніку Міністра замежных спраў Беларусі С.Лукашэвічу копій даверчых лістоў

30 кастрычніка 2024 г. першы намеснік Міністра замежных спраў Рэспублікі Беларусь Сяргей Лукашэвіч прыняў копіі даверчых лістоў паслоў Алжыра, Бурундзі, Кувейта і Маўрытаніі. 

Падчас сустрэчы з Паслом Алжыра ў Расійскай Федэрацыі і Рэспубліцы Беларусь па сумяшчальніцтве Бумедыенам Генадам бакі з задавальненнем канстатавалі актывізацыю двухбаковага палітычнага дыялогу і гандлёва-эканамічнага супрацоўніцтва, якая намецілася ў 2024 годзе. Пацвердзілі зацікаўленасць у правядзенні першага пасяджэння Сумеснай Беларуска-Алжырскай міжурадавай камісіі, а таксама абмеркавалі графік візітаў на бліжэйшую перспектыву.

З Паслом Бурундзі ў Расійскай Федэрацыі і Рэспубліцы Беларусь па сумяшчальніцтве Жазефам Нкурунзіза былі абмеркаваны шляхі актывізацыі супрацоўніцтва паміж Беларуссю і Бурундзі ў палітычнай, гандлёва-эканамічнай, гуманітарнай і іншых сферах і ўзаемадзеяння на міжнародных пляцоўках, а таксама пашырэнне дагаворна-прававой базы двухбаковых адносін. 

Падчас сустрэчы з Паслом Кувейта ў Расійскай Федэрацыі і Рэспубліцы Беларусь па сумяшчальніцтве Рашэдам Хаммадам аль-Адвані абмеркаваны стан і перспектывы двухбаковага палітычнага, эканамічнага і інвестыцыйнага супрацоўніцтва, а таксама перспектывы рэалізацыі сумесных праектаў у гуманітарнай сферы. Суразмоўцы пацвердзілі гатоўнасць да працягу ўзаемапаважлівага дыялогу і актыўнага ўзаемадзеяння знешнепалітычных ведамстваў. 

Падчас сустрэчы з Паслом Маўрытаніі ў Расійскай Федэрацыі і Рэспубліцы Беларусь па сумяшчальніцтве Махамедам Дэмана Хамарай бакі адзначылі неабходнасць актывізацыі двухбаковага супрацоўніцтва, падтрымання актыўнага дыялогу на шматбаковых пляцоўках і паміж знешнепалітычнымі ведамствамі, а таксама развіцця дагаворна-прававой базы.

версія для друку