Аб спачуванні Першага намесніка Міністра С.Лукашэвіча ў сувязі з разбуральным землятрусам у М'янме
31 сакавіка 2025 г.
31 сакавіка 2025 г. Першы намеснік Міністра замежных спраў Беларусі Сяргей Лукашэвіч наведаў Генеральнае консульства Рэспублікі Саюз М'янма і пакінуў запіс у кнізе спачуванняў у сувязі са шматлікімі чалавечымі ахвярамі ў выніку разбуральнага землятрусу ў М'янме.
«Немагчыма ўявіць увесь маштаб і ацаніць наступствы трагедыі, якая абрынулася на шматпакутны м'янманскі народ. Накіроўваем словы падтрымкі і суцяшэння сем'ям загінулых, надзеі і мужнасці – усім тым, хто чакае навін пра лёс зніклых сваякоў і блізкіх.
У гэтыя цяжкія для ўсіх жыхароў М'янмы дні ведайце, што Беларусь усямерна падтрымлівае вашу краіну ў яе намаганнях па ліквідацыі наступстваў разгулу стыхіі».
