Аб сустрэчы Пасла Беларусі А.Дапкюнаса з Віцэ-спікерам Парламента Славакіі
04 красавіка 2025 г.
3 красавіка 2025 г. Надзвычайны і Паўнамоцны Пасол Рэспублікі Беларусь у Аўстрыйскай Рэспубліцы і Славацкай Рэспубліцы па сумяшчальніцтве Андрэй Дапкюнас сустрэўся з Віцэ-спікерам парламента Славакіі Тыбарам Гашпарам.
Бакі ў цёплай і сяброўскай атмасферы абмеркавалі шырокае кола тэм, у тым ліку аднаўленне работы міжпарламенцкай групы дружбы і перспектывы двухбаковых парламенцкіх візітаў.
Асаблівую ўвагу надалі тэме захавання гістарычнай памяці і супрацьдзеяння спробам перапісвання гісторыі, а таксама падрыхтоўцы да мерапрыемстваў, прымеркаваных да 80-годдзя Перамогі над нацызмам у Еўропе.
