Адказ прэс-сакратара МЗС Беларусі А.Глаза на пытанне агенцтва БелТА аб новых абмежавальных мерах ЕС у дачыненні да Беларусі

БелТА: Як можаце пракаментаваць новыя абмежавальныя меры ЕС у дачыненні да Беларусі?

А.Глаз: Усе гэтыя шматлікія санкцыйныя рашэнні ЕС аб'ядноўвае галоўнае – поўная бесперспектыўнасць дасягнення іх дэструктыўных мэт. Чым раней еўрабюракраты гэта зразумеюць - тым менш шкоды яны паспеюць нанесці еўрапейскаму ж бізнэсу і насельніцтву.

Для нас жа гэтыя новыя абмежавальныя меры - зусім прахадны этап. У нас шмат планаў развіцця, актыўна працуе эканоміка і, шчыра сказаць, наперадзе вельмі шмат спраў і праектаў.

Мы рыхтуемся да Дня Незалежнасці, на гэтым тыдні плануем стаць паўнапраўным членам ШАС, ажыццявіць шэраг сур'ёзных замежных візітаў і запусціць значныя кааперацыйныя праграмы з тымі краінамі, якія жадаюць развіваць узаемавыгаднае супрацоўніцтва. А такіх краін у свеце большасць.

На гэтым фоне спробы кіраўніцтва ЕС сваімі незаконнымі санкцыйнымі пакетамі спыніць наша развіццё выглядаюць крыху камічна. Відавочна, што рашэнні, прынятыя ў спешцы, каб паспець да змены старшынства, на справе ўзмоцняць нас яшчэ больш, актывізуюць узаемадзеянне з ключавымі партнёрамі, прычыняць дыскамфорт, перш за ўсё, еўрапейцам і ў канчатковым выніку яшчэ больш аслабяць сам Еўрасаюз.

Ці наўрад пры такіх падыходах, непадзельных глабальнай большасцю, Еўрасаюзу атрымаецца прэтэндаваць у будучыні на хоць колькі-небудзь важкую ролю ў новым светапарадку.

Зразумела, Урадам Беларусі падрыхтаваны комплекс асіметрычных мер у адказ. Яны будуць звязаны з узмацненнем жорсткасці ўмоў імпарту і дзейнасці ў Беларусі суб'ектаў з недружалюбных краін. Яшчэ раз падкрэсьліваем, што дадзеныя крокі з нашага боку не з'яўляюцца ініцыятыўнымі, і ўся віна за гэта ляжыць на ініцыятарах санкцый – кіраўніцтве ЕС.

Хаця па-ранейшаму перакананы, што для зняцця ўзаемных прэтэнзій больш эфектыўны не абмен рэстрыкцыямі, а дыялог, да якога Беларусь гатова ў любых фарматах і па любых самых вострых пытаннях.

версія для друку