Памер шрыфта:

Рух недалучэння

Рух недалучэння (РН) створаны ў 1961 годзе ў мэтах адстойвання інтарэсаў краін, якія развіваюцца ва ўмовах канфрантацыі халоднай вайны. У першыя тры дзесяцігоддзі пасля стварэння Рух выконваў важную ролю ў садзейнічанні працэсам дэкаланізацыі, станаўленні новых незалежных дзяржаў, дэмакратызацыі міжнародных адносін.

Зараз РН налічвае 120 краін-сябраў або 60 адсоткаў колькаснага складу Арганізацыі Аб'яднаных Нацый. Статусам назіральніка ў РН надзелены 17 дзяржаў і 10 арганізацый.

Рух недалучэння імкнецца займаць нішу палітычнага аб'яднання, якое супрацьстаіць на міжнароднай арэне аднабаковым падыходам і дзеянням ў дачыненні да краін, якія развіваюцца.

РН будуе сваю працу на дзесяці бандунгскіх прынцыпах, у ліку якіх: павага суверэнітэту, раўнапраўя і тэрытарыяльнай цэласнасці ўсіх дзяржаў; адмова ад магчымасці неканстытуцыйнай змены ўрадаў, а таксама знешніх спробаў змяніць рэжым праўлення; захаванне для кожнай дзяржавы неад'емнага права свабодна без умяшальніцтва з боку вызначаць сваю палітычную, сацыяльную, эканамічную і культурную сістэму; адмова ад агрэсіі і прамога або ўскоснага выкарыстання сілы; непрымяненне аднабаковых эканамічных, палітычных ці ваенных мер.

Функцыянаванне РН арганізавана без стварэння фармальных адміністрацыйных структур і без бюджэту.

Праводзяцца сустрэчы на вышэйшым узроўні, канферэнцыі на ўзроўні міністраў замежных спраў, нарады на ўзроўні міністраў замежных спраў краін — удзельніц РН у г.Нью-Ёрку падчас працы сесій Генеральнай Асамблеі ААН, пасяджэння Каардынацыйнага бюро РН, дзейнасць старшыні і «Тройкі», сустрэчы галіновых міністраў краін — удзельніц РН (міністраў працы, аховы здароўя, інфармацыі), тэматычныя сустрэчы высокага ўзроўню.

XVIII Саміт Руху Недалучэння прайшоў 25-26 кастрычніка 2019 г. у г.Баку.

У 2019 — 2022 гг. старшынёй РН з'яўляецца Азербайджан.

Рэспубліка Беларусь з'яўляецца членам Руху недалучэння з 1998 года.

Дыпмісіі Беларусі за мяжой

Усе дыпмісіі Замежныя дыпмісіі ў Беларусі
Перайсці

Відэа МЗС

Aрхіў

Афіцыйныя інтэрнэт-рэсурсы