Выдача (абмен) біяметрычнага пашпарта грамадзяніна Рэспублікі Беларусь

Для выдачы (абмену) біяметрычнага пашпарта патрэбна прадставіць:

• заяву (спецыяльнай формы, друкуецца на месцы);
   
• ідэнтыфікацыйную картку (пры адсутнасці – дакументы для яе выдачы);
   
• заяву з пазначэннем абставін страты (крадзяжу) біяметрычнага пашпарта – у выпадку яго страты (крадзяжу);
   
• біяметрычны пашпарт, які падлягае абмену;
   
• дакумент, які пацвярджае аплату.

Сума аплаты:

• бясплатна – для грамадзян Рэспублікі Беларусь, якія знаходзяцца на поўным дзяржаўным забеспячэнні;
   
• 1,5 базавай велічыні – для непаўналетніх грамадзян, якія не дасягнулі 14-гадовага ўзросту, грамадзян, якія дасягнулі агульнапрынятага пенсійнага ўзросту, і інвалідаў I і II групы;
   
• 2 базавыя велічыні – для іншых грамадзян Рэспублікі Беларусь;
   
• 1 базавая велічыня дадаткова – за выдачу (абмен) біяметрычнага пашпарта ў паскораным парадку;
   
• 2 базавыя велічыні дадаткова – за выдачу (абмен) біяметрычнага пашпарта ў тэрміновым парадку.

Тэрмін гатоўнасці дакумента – да 15 працоўных дзён (у паскораным парадку - да 10 працоўных дзён, у тэрміновым - да 5 працоўных дзён).