Стэнаграма падыходу да прэсы Міністра замежных спраў Беларусі С.Алейніка па выніках пасяджэння СМЗС СНД (12 кастрычніка 2023 г., г.Бішкек)

Тэлеканал ”АНТ“: Сяргей Фёдаравіч, тое, што такое дастаткова працяглае было паседжанне ў вузкім складзе, для нас гэта надзея, што ўсё ж да сваіх абавязкаў у СНД не ставяцца фармальна. Значыць, што гэта да гэтага часу месца для дыскусій, а не для маўклівай згоды. Ці так гэта?

С.Алейнік: Безумоўна, наша сённяшняе пасяджэнне пацвердзіла нацэленасць усіх без выключэння краін СНД умацоўваць патэнцыял Садружнасці, развіваць усе без выключэння вымярэнні нашага інтэграцыйнага ўзаемадзеяння.

Мы надалі шмат увагі пытанням бяспекі. Мы надалі вельмі вялікую ўвагу пытанням эканамічнага супрацоўніцтва.

Вы ведаеце, што зусім нядаўна было падпісана пагадненне аб свабодным гандлі паслугамі. Прыняты шэраг прапаноў Беларусі ў комплексны план па выкліках у эканамічнай сферы. Літаральна ў верасні Эканамічная рада СНД прыняла дадатковае рашэнне па ўмацаванні галіновага ўзаемадзеяння ў эканамічным супрацоўніцтве паміж краінамі СНД. І мы, вядома ж, надаём гэтым пытанням вельмі вялікую ўвагу. Таму што эканамічна ўстойлівая Садружнасць, эканамічна самадастатковая Садружнасць – гэта залог стабільнага росквіту і развіцця нашых дзяржаў.

Мы надалі ўвагу і ўзаемнаму гандлю. Дарэчы, скажу, што аб’ём гандлю паміж Беларуссю і краінамі СНД за 8 месяцаў гэтага года вырас да 33 млрд. долараў. Гэта 12,5% росту. У грашовым вылічэнні сума – +3,7 млрд. у параўнанні з мінулым годам.

Гэтыя паказчыкі гавораць самі за сябе. Бо, у прынцыпе, усе краіны Садружнасці пацвярджаюць накіраванасць на ўмацаванне эканамічнага ўзаемадзеяння, прамысловай кааперацыі, забеспячэнне тэхналагічнага суверэнітэту. І, натуральна, на гэтым грунтуецца ўзаемны рост гандлю і развіццё ўсіх астатніх вымярэнняў эканамічнага ўзаемадзеяння, уключаючы транспартна-лагістычныя калідоры, сістэмы разлікаў, якія, дарэчы, таксама паступова, але вельмі ўстойліва рухаюцца ў бок пераходу на нацыянальныя валюты. Аб’ём разлікаў у нацыянальных валютах складае ўжо каля 80%. Я думаю, што гэтая тэндэнцыя будзе і надалей працягвацца і забяспечваць наш устойлівы гандаль з краінамі-партнёрамі.

Тэлеканал “Беларусь 1”: Сяргей Фёдаравіч, заўтра нас чакае сустрэча лідэраў краін СНД. Якія пытанні плануюцца да абмеркавання. Ці будуць абмяркоўвацца актуальныя пытанні рэгіянальнага і міжнароднага парадку дня?

С.Алейнік: Безумоўна, у ходзе сустрэчы кіраўнікоў дзяржаў плануецца абмен думкамі па найбольш актуальных пытаннях міжнароднага парадку дня, рэгіянальнага парадку дня, умацавання патэнцыялу Садружнасці. Кіраўнікі дзяржаў у ходзе сваіх кантактаў заўтра нададуць гэтым пытанням значную ўвагу.
Мы сёння падрыхтавалі чатыры праекты заяў, якія, разлічваем, заўтра будуць ухвалены кіраўнікамі дзяржаў. І адна з іх якраз тычыцца пытанняў справядлівага глабальнага развіцця, фарміравання шматпалярнага свету.

Усе краіны СНД адзіныя ў тым, што мы павінны ўмацоўваць патэнцыял Садружнасці Незалежных Дзяржаў у якасці сур’ёзнай апоры шматпалярнага свету.

“Беларусь 1”: Супярэчнасцей хапае нават у самой СНД. Гэта адчувалася сёння падчас вашых кантактаў, быць можа, у кулуарах?

С.Алейнік: Супярэчнасці ў дыпламатычнай практыцы – рэч штодзённая. Яны заўсёды былі і ёсць. Але у нас заўсёды атрымоўваецца знаходзіць кампрамісныя фармулёўкі, кампрамісныя рашэнні практычна па ўсіх пытаннях парадку дня.

"Беларусь 1": Гэта значыць няма адчування, што Беларусь і Расія – яны дзесьці крыху ўбаку, таму што на іх больш ціску і ў іх больш праблем у частцы санкцый, палітычнага ціску, а астатнія краіны занялі пазіцыю чакання? Такога няма?

С.Алейнік: На сённяшні дзень вельмі востра стаіць пытанне салідарнасці, згуртаванасці і, будзем так казаць, у аб’яднальным і стваральным парадку дня ў Садружнасці. Да гэтага нас падштурхоўваюць асаблівасці бягучага геапалітычнага развіцця. Да гэтага нас падштурхоўваюць незаконныя аднабаковыя меры, якія прымаюцца краінамі Захаду ў адносінах да цэлага шэрагу краін Садружнасці Незалежных Дзяржаў, уключаючы Беларусь. Гэтаму мы таксама надалі ўвагу. Вядома, вось гэты аб’яднаўчы парадак, я думаю, будзе толькі ўмацоўвацца.

Тэлеканал “СТБ”: Сяргей Фёдаравіч, у СНД у наступным годзе старшынюе Расія, а СМЗС пройдзе ў нас. Чаму так?

С.Алейнік: Сёння было прынята рашэнне аб правядзенні наступнага пасяджэння Савета міністраў замежных спраў у Мінску 12 красавіка, таму мы з нецярпеннем будзем чакаць нашых калег, партнёраў і, вядома, рыхтаваць субстантыўны парадак дня для гэтай сустрэчы.