Аб сустрэчы Міністра замежных спраў Беларусі С.Алейніка з Прэфектам дыкастэрыі па справах Усходніх Цэркваў Святога Пасаду

29 чэрвеня 2023 г. Міністр замежных спраў Беларусі Сяргей Алейнік сустрэўся з Папскім Легатам, Прэфектам дыкастэрыі па справах Усходніх Цэркваў Святога Прастола арцыбіскупам Клаўдыё Гуджэроцці.

Папскі Легат прыбыў у нашу краіну ў якасці спецыяльнага пасланніка Папы Рымскага Францішка для ўдзелу ў святкаваннях, прысвечаных 25-й гадавіне Каранацыі абраза Будслаўскай Божай Маці.

Асноўнымі тэмамі грунтоўных перагавораў сталі бягучая сітуацыя ў еўразійскім рэгіёне і ў свеце ў цэлым, супрацоўніцтва Беларусі з Ватыканам у шматбаковых фарматах, двухбаковыя адносіны і кантакты на розных узроўнях са Святым Прастолам.

Пацверджана ўзаемная нацэленасць на далейшае развіццё беларуска-ватыканскага супрацоўніцтва, а таксама ўмацаванне міжканфесіянальнага дыялога, міру і згоды.

версія для друку