Аб наведванні Міністрам М.Рыжанковым Армянскай Апостальскай Царквы і сустрэчы з прадстаўнікамі армянскай дыяспары

6 верасня 2024 г. Міністр замежных спраў Рэспублікі Беларусь Максім Рыжанкоў сумесна са Старшынёй Мінскага гарадскога выканаўчага камітэта Уладзімірам Кухаравым наведаў будуемую ў г. Мінску Армянскую Апостальскую Царкву і паразмаўляў з прадстаўнікамі дыяспары Арменіі ў Беларусі.

У сустрэчы, у прыватнасці, прыняў удзел Старшыня Мінскага армянскага гарадскога культурна-асветніцкага таварыства "Аястан" Георгій Егіазаран, прадстаўнікі грамадскасці.

У сяброўскай абстаноўцы абмеркавалі пытанні развіцця ўзаемадзеяння беларускіх дзяржаўных, грамадскіх структур з армянскай дыяспарай, арганізацыю сумесных мерапрыемстваў і прасоўванне стваральных ініцыятыў. Падкрэслены даўнія сяброўскія сувязі беларускага і армянскага народаў, узаемнае імкненне да ўмацавання плённых і ўзаемавыгадных кантактаў.

Міністр падкрэсліў, што армянская дыяспара патрыятычна настроена да сваёй другой Радзімы і ўносіць уклад у развіццё і працвітанне Рэспублікі Беларусь.

Удзельнікі сустрэчы акцэнтавалі, што ў Беларусі з вялікай павагай ставяцца да захавання нацыянальнымі меншасцямі сваіх традыцый, абрадаў, культурных і духоўных каштоўнасцей. На дзяржаўным узроўні аказваецца значная падтрымка дзейнасці дыяспаральных арганізацый, рэалізацыі тэматычных праектаў. Адным з прыкладаў такога дзейснага садзейнічання з'яўляецца ўзвядзенне ў г.Мінску Армянскай Апостальскай Царквы і сацыяльна-культурнага Цэнтра.

Кіраўнік беларускага знешнепалітычнага ведамства пажадаў найхутчэйшага завяршэння будаўніцтва, а таксама поспехаў у рэалізацыі мэт і задач армянскіх дыяспаральных арганізацый.

версія для друку