Аб удзеле намесніка Міністра замежных спраў Беларусі Ю.Амбразевіча ў дзявятым пасяджэнні Кансультатыўнага савета па справах беларусаў замежжа пры МЗС

17 снежня 2024 г.

16 снежня 2024 г. адбылося адкрыццё дзявятага пасяджэння Кансультатыўнага савета па справах беларусаў замежжа пры Міністэрстве замежных спраў Рэспублікі Беларусь пад старшынствам намесніка Міністра замежных спраў Рэспублікі Беларусь Юрыя Амбразевіча.

У сваім выступленні Ю.Амбразевіч праінфармаваў удзельнікаў Кансультатыўнага савета аб грамадска-палітычнай і сацыяльна-эканамічнай сітуацыі ў краіне і выказаў гатоўнасць да далейшай рэалізацыі сумесных ініцыятыў.

Са свайго боку прадстаўнікі беларускай дыяспары пацвердзілі падтрымку палітычнага курса, які праводзіцца Кіраўніком беларускай дзяржавы.

Ход дыялогу з беларусамі замежжа ў рамках Кансультатыўнага савета прадэманстраваў важнасць і запатрабаванасць гэтай пляцоўкі для абмеркавання надзённых пытанняў і перспектыўных напрамкаў па ўдасканаленні ўзаемадзеяння з беларускай дыяспарай.

Пашырэнне персанальнага складу Кансультатыўнага савета і яго геаграфічнай прадстаўленасці сведчыць аб павышанай цікавасці з боку беларусаў замежжа да падзей у Беларусі і жаданні ўмацоўваць і паглыбляць сувязі з гістарычнай радзімай.

Падчас мерапрыемства разгледжаны вынікі ўзаемадзеяння дзяржавы і беларускай дыяспары за 2024 год, а таксама абмеркаваны планы па далейшаму развіццю супрацоўніцтва.

Да даведкі: у мерапрыемстве прынялі ўдзел кіраўнікі грамадскіх аб'яднанняў беларусаў замежжа з 12 краін, прадстаўнікі дзяржаўных органаў і ўстаноў, грамадскіх арганізацый.