Аб сустрэчы Міністра замежных спраў Беларусі М.Рыжанкова з Прэм'ер-міністрам КНДР

25 ліпеня 2024 г. 25 ліпеня 2024 г. Міністра замежных спраў Максіма Рыжанкова прыняў Прэм'ер-міністр КНДР Кім Док Хун.

Бакі падвялі вынікі перагавораў беларускай дэлегацыі ў Пхеньяне, выказаліся аб неабходнасці актывізацыі двухбаковага супрацоўніцтва ў сферах адукацыі, аховы здароўя і сельскай гаспадаркі.

Разгледжана ўзаемадзеянне на міжнароднай арэне і канстатаваны высокі ўзровень разумення паміж краінамі па асноўных пытаннях глабальнага парадку дня.

Кім Док Хун перадаў самыя цёплыя пажаданні Прэм'ер-міністру Рэспублікі Беларусь Раману Галоўчанку.

Падчас працы ў Пхеньяне беларуская дэлегацыя ўсклала вянок да Манумента «Вызваленне», правяла перамовы ва ўніверсітэце імя Кім Ір Сена і Пхеньянскім педагагічным інстытуце.

З удзелам Першага намесніка Міністра адукацыі Аляксандра Бахановіча дасягнуты дамоўленасці аб развіцці міжуніверсітэцкага ўзаемадзеяння.

Максім Рыжанкоў таксама наведаў шэраг сацыяльных аб'ектаў і азнаёміўся з функцыянаваннем сацыяльнай інфраструктуры горада Пхеньяна.

версія для друку