Аб сустрэчы Міністра замежных спраў Беларусі М.Рыжанкова з Паслом Сербіі

28 студзеня 2025 г. Міністр замежных спраў Беларусі Максім Рыжанкоў сустрэўся з Надзвычайным і Паўнамоцным Паслом Рэспублікі Сербія Ілінай Вукайловіч.

Падчас сустрэчы Пасол перадала віншаванні з упэўненай перамогай на выбарах у адрас Кіраўніка беларускай дзяржавы ад Прэзідэнта Сербіі Аляксандра Вучыча.

Суразмоўцы абмеркавалі актуальныя пытанні беларуска-сербскага супрацоўніцтва, уключаючы канкрэтныя захады па яго актывізацыі.

З задавальненнем канстатавана інтэнсіфікацыя двухбаковых кантактаў рознага ўзроўню, якая назіраецца апошнім часам, а таксама нацэленасць бакоў на ўмацаванне шматпланавых дружалюбных адносін паміж Мінскам і Бялградам.

І.Вукайловіч запрасіла Беларусь прыняць удзел у Міжнароднай спецыялізаванай выставе "ЭКСПА 2027", якая пройдзе ў Бялградзе. У сувязі з гэтым абмеркаваны пытанні падрыхтоўкі і іншыя аспекты арганізацыі такога маштабнага мерапрыемства.

версія для друку