Аб сустрэчы Міністра замежных спраў Беларусі С.Алейніка з Міністрам замежных спраў і нацыянальнай дыяспары за мяжой Алжыра

14 красавіка 2024 г. адбыліся перагаворы Міністра замежных спраў Рэспублікі Беларусь Сяргея Алейніка з Міністрам замежных спраў і нацыянальнай дыяспары за мяжой Алжырскай Народнай Дэмакратычнай Рэспублікі Ахмедам Атафам.

Калегі абмеркавалі шырокі спектр пытанняў двухбаковага, рэгіянальнага і міжнароднага парадку дня, вызначылі канкрэтныя прыярытэты і напрамкі сумеснай дзейнасці на бліжэйшую перспектыву.

Асаблівая ўвага ўдзелена актывізацыі гандлёва-эканамічнага супрацоўніцтва і рэалізацыі кааперацыйных праектаў у шэрагу сфер, якія маюць узаемную цікавасць. Сярод іх - аграпрамысловая галіна, навука і тэхналогіі, гуманітарнае вымярэнне.

У сувязі з гэтым дамовіліся ўжо ў бліжэйшыя месяцы пачаць работу Беларуска-Алжырскай Сумеснай камісіі па гандлёва-эканамічным і навукова-тэхнічным супрацоўніцтве.
Пацверджана імкненне актыўна ўзаемадзейнічаць у сферы харчовай бяспекі ў рэгіёне Паўночнай Афрыкі. Бакі маюць намер працягваць намаганні для паляпшэння доступу да харчавання ў рэгіёне. Канстатаваны згубны ўплыў незаконных санкцый заходніх краін на дадзеную сферу. Безадказнае абмежаванне імі транзіту беларускіх угнаенняў справакавала рост коштаў на прадукты харчавання і пагоршыла сітуацыю з голадам у шэрагу краін Афрыкі.

Дасягнуты дамоўленасці па пашырэнні дагаворна-прававой базы двухбаковага супрацоўніцтва з пераходам ад рамачных да галіновых пагадненняў.

Бакі таксама ўказалі на неабходнасць прапрацаваць запуск прамых авіязносін паміж сталіцамі Алжыра і Беларусі, што будзе садзейнічаць павелічэнню турыстычных, дзелавых і культурных сувязей паміж двума народамі.

Міністр замежных спраў Беларусі запрасіў свайго алжырскага калегу Ахмеда Атафа наведаць Рэспубліку Беларусь з афіцыйным візітам у адказ.

версія для друку