Памер шрыфта:

Арганізацыя па забароне хімічный зброі

З мэтай забароны хімічнай зброі як цэлага класа зброі масавага знішчэння на Канферэнціі па раззбраенні ў г.Жэневе была распрацавана Канвенцыя аб забароне распрацоўкі, вытворчасці, незапашвання і выкарыстання хімічнай зброі і яе знішчэнні (КЗХЗ). Тэкст Канвенцыі быў прыняты 3 верасня 1992 г. і адкрыты да падпісання 13 студзеня 1993 г. у г.Парыжу. Канвенцыя ўступіла ў сілу 29 кастрычніка 1997 г.

Для рэалізацыі мэтаў Канвенцыі ў красавіку 1997 года была створана Арганізацыя па забароне хімічнай зброі (АЗХЗ) з штаб-кватэрай у г.Гаазе (Каралеўства Нідэрландаў).

Па стане на 2020 год бакамі Канвенцыя з’яўляюцца 193 дзяржавы. Ізраіль падпісаў Канвенцыю, але не ратыфікаваў. Егіпет, КНДР і Паўднёвы Судан не падпісалі і не далучыліся да Канвенцыі.

Рэспубліка Беларусь у ліку першых дзяржаў свету падпісала (14 студзеня 1993 г.) і ратыфікавала (11 чэрвеня 1996 г.) Канвенцыю аб забароне хімічнай зброі.

У адпаведнасці з Артыкулам VII Канвенцыі ў Міністэрстве замежных спраў Рэспублікі Беларусь быў створаны Нацыянальны орган па выкананні КЗХЗ.

Наша краіна не мае і ніколі не мела запасаў хімічнай зброі і аб’ектаў па яго вытворчасці. Асноўная задача на нацыянальным узроўні заключаецца ў ажыцяўленні кантролю за прадпрыемствамі хімічнай прамысловасці, каб гарантаваць, што названыя прадпрыемствы праводзяць дзейнасць, якая не супярэчыць палажэнням Канвенцыі.

Заканадаўства Рэспублікі Беларусь прыведзена ў адпаведнасць з палажэннямі Канвенцыі. Па ацэнцы Арганізацыі па забароне хімічнай зброі Беларусь уваходзіць у лік дзяржаў свету, якія на нацыянальным узроўні прынялі найбольш эфектыўныя меры па выкананні Канвенцыі, уключаючы ліцэнзаванне ўвоза (вываза) хімікатаў. Апроч гэтага, Беларусь аказвала садзейнічанне іншым дзяржавам-удзельніцам у выкананні іх абавязацельстваў у рамках Канвенцыі. Беларускае заканадаўства было прынята за аснову пры распрацоўцы адпаведных прававых актаў па выкананні Канвенцыі ў Кыргызстане, Літве, Латвіі, Малдове, Украіне і Таджыкістане. Беларускія эксперты прыцягваліся АЗХЗ для аказання кансультатыўна-прававой дапамогі іншым дзяржавам-удзельнікам Канвенцыі (Таджыкістану, Манголіі і Азербайджану).

25 мая 2002 г. уступіў у сілу закон Рэспублікі Беларусь №105-3 “Аб ратыфікацыі Пагаднення паміж Урадам Рэспублікі Беларусь і Арганізацыяй па забароне хімічнай зброі аб прывілеях і імунітэтах Арганізацыі па забароне хімічнай зброі”. 

У цяперашні час у Беларусі ёсць чатыры прадпрыемства, якія вырабляюць кантраляваныя Канвенцыяй хімікаты (“Палімір” ААТ “Нафтан” (Наваполацк), ААТ “Гродна Азот” (Гродна), ААТ “Магілёўхімвалакно” (Магілёў), ААТ “Лакафарба” (Ліда)). 

АЗХЗ рэгулярна інспектуе дзейнасць гэтых прадпрыемстваў. Па выніках інспекцый АЗХЗ пацверджана, што дзейнасць названых прадпрыемстваў цалкам адпавядае палажэнням Канвенцыі.

Рэспубліка Беларусь чатыры разы (у 1997, 2002,  2006 і 2014 гг.) абіралася ў склад Выканаўчага савета АЗХЗ.

Рэспубліка Беларусь штогод прадстаўляе ў АЗХЗ неабходную нацыянальную справаздачу аб вытворчасці, экспарце і імпарце  кантраляваных Канвенцыяй хімікатаў. 

Беларуссю заяўлена гатоўнасць аказаць дапамогу іншым дзяржавам — удзельніцам КЗХЗ у выпадку ўжывання супраць іх хімічнай зброі.

Істотны імпульс супрацоўніцтву Беларусі з АЗХЗ надаў афіцыйны візіт Генеральнага дырэктара АЗХЗ А.Узюмджу ў маі 2014 года.

Удзел у АЗХЗ дае Беларусі магчымасць бязвыплатна карытсацца банкам дадзеных Арганізацыі і атрымліваць кансультатыўную дапамогу ў выпадку ліквідацыі аварыі на хімічных прадпрыемствах.

Беларускія эксперты актыўна ўдзельнічаюць у шэрагу навучальных праграм і курсаў АЗХЗ, накіраваных на павышэнне кваліфікацыі вучоных-хімікаў, спецыялістаў у галіне хімічнай абароны, супрацоўнікаў мытных памежных службаў.

З 2013 па 2019 год у навучальным цэнтры на базе Універсітэта грамадзянскай абароны МНС Беларусі пад эгідай АЗХЗ праведзена дзесяць курсаў па хімічнай абароне ад наступстваў хімічных нападаў і тэхнагенных катастроф, якія наведалі больш за 170 чалавек з розных краін. 

Беларусь разглядае Канвенцыю аб забароне хімічнай зброі як важнейшую і неад’емную частку сістэмы міжнароднай бяспекі, асноўны інструмент у галіне разбраення дзеля ўмацавання міру і стабільнасці.

Па ініцыятыве нашай краіны было прынята рашэнне аб заснаванні Міжнароднага дня АЗХЗ, якое было аднагалосна падтрыманае дзяржавамі-удзельніцамі. 

Дыпмісіі Беларусі за мяжой

Усе дыпмісіі Замежныя дыпмісіі ў Беларусі
Перайсці

Відэа МЗС

Aрхіў

Афіцыйныя інтэрнэт-рэсурсы