Аб сустрэчы намесніка Міністра замежных спраў Беларусі А.Дапкюнаса ў г.Шанхае
28 жніўня 2018 г.28-08-2018
27-28 жніўня 2018 г. у рамках візіту ў г.Шанхай (КНР) дэлегацыі прадстаўнікоў кіраўніцтва беларускіх дзяржаўных устаноў для вывучэння вопыту эканамічных рэформаў і стратэгіі развіцця Кітая намеснік Міністра замежных спраў Рэспублікі Беларусь Андрэй Дапкюнас правёў шэраг сустрэч з прадстаўнікамі дзяржаўных органаў і дзелавых колаў КНР.
А.Дапкюнас сустрэўся з прадстаўнікамі адміністрацыі Шанхайскай свабоднай эканамічнай зоны і карпарацыі ZTE, якая з'яўляецца адным з найбуйнейшых у свеце вытворцаў тэлекамунікацыйнага абсталявання.
Падчас сустрэчы з намеснікам кіраўніка адміністрацыі Шанхайскай СЭЗ Лу Фанчжоў былі абмеркаваны шляхі прыцягнення новых рэзідэнтаў і развіцця свабодных эканамічных зон з улікам вопыту дзейнасці кітайска-беларускага індустрыяльнага парку “Вялікі камень”, а таксама максімізацыі ўнёску рэзідэнтаў у эканоміку Беларусі.
Падчас размовы з віцэ-прэзідэнтам карпарацыі ZTE Ю Хаем быў абмеркаваны вопыт работы карпарацыі ў Беларусі і дзейнасць кампаніі па распрацоўцы перадавых тэлекамунікацыйных рашэнняў, якія могуць быць выкарыстаны ў галіне дзяржаўнага кіравання, аховы здароўя, транспарту і сувязі.
Да даведкі: карпарацыя ZTE уваходзіць у тройку сусветных патэнтавых лідэраў у галіне тэлекамунікацыі, вылучае дзясятую частку свайго бюджэту на навуковыя даследаванні, якімі займаюцца 30 тысяч чалавек. Карпарацыя з'яўляецца рэзiдэнтам кітайска-беларускага індустрыяльнага парку “Вялікі камень”.
Намеснік Міністра адзначыў важнасць дапаўнення супрацоўніцтва карпарацыі з Беларуссю ў галіне інавацый і навукова-даследчых распрацовак наладжваннем вытворчай дзейнасці ў кітайска-беларускім парку “Вялікі камень”.
У рамках падрыхтоўкі беларускіх вытворцаў да Кітайскай міжнароднай выставы імпарту ў г.Шанхае ў лістападзе 2018 года А.Дапкюнас сустрэўся з намеснікам кіраўніка бюро (арганізацыйнага камітэта) па арганізацыі выставы, намеснікам старшыні муніцыпальнай камісіі г.Шанхая па гандлі Чжун Сяамінь.
Падчас сустрэчы суразмоўцы разгледзелі ход падрыхтоўкі да галоўнага выставачнага мерапрыемства года ў Кітаі. Намеснік Міністра адзначыў, што ў Беларусі надаецца асаблівая ўвага якаснай падрыхтоўцы да выставы як да выключнай магчымасці значнага пашырэння экспартных паставак беларускіх тавараў і паслуг на рынак Кітая.
Асаблівую ўвагу А.Дапкюнас звярнуў на актывізацыю ў апошні час ўсебаковага супрацоўніцтва беларускай сталіцы з г.Шанхаем, падрыхтоўку да візіту ў кітайскі мегаполіс старшыні Мінскага гарвыканкама і падпісанне дамовы аб усталяванні пабрацімскіх сувязей паміж Мінскам і Шанхаем.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by