Аб сустрэчах намесніка Міністра замежных спраў Беларусі А.Дапкюнаса ў штаб-кватэры ААН у Нью-Ёрку
30 студзеня 2018 г.30-01-2018
29 студзеня 2018 г. у штаб-кватэры ААН у Нью-Ёрку адкрылася 56-я сесія Камісіі ААН сацыяльнага развіцця (КСР), у якой прымае ўдзел беларуская дэлегацыя на чале з намеснікам Міністра замежных спраў Андрэям Дапкюнасам.
Для даведкі: Камісія ААН сацыяльнага развіцця займаецца пытаннямі скарачэння беднасці, сацыяльнай няроўнасці, а таксама прасоўваннем міжнароднай палітыкі па будаванні сацыяльнай справядлівасці ў дачыненні да найбольш уразлівых слаёў насельніцтва (маламаёмныя, жанчыны, дзеці, асобы з абмежаванымі магчымасцямі, моладзь, пажылыя). Беларусь выбрана ў склад КСР на 2016-2020 гады. 56-я сесія КСР працягне работу да 7 лютага.
Падчас візіту ў штаб-кватэру ААН намеснік кіраўніка знешнепалітычнага ведамства Беларусі А.Дапкюнас сустрэўся з першым намеснікам Генеральнага сакратара ААН Амінай Махамед.
Сустрэча адбылася ў рамках падрыхтоўкі візіту А.Махамед у Беларусь для ўдзелу ў рэгіянальным форуме каардынатараў па мэтам устойлівага развіцця (МУР), які пройдзе ў Мінску 21-22 лютага 2018 г. Суразмоўцы пагадзіліся, што маючы адбыцца форум дазволіць удзельнікам рэгіёну Еўропы і СНД лепш зразумець агульныя праблемы на шляху рэалізацыі МУР і ўнясе важны ўклад у глабальныя намаганні па выкананні Парадку дня ў галіне ўстойлівага развіцця да 2030 года.
Першы намеснік Генеральнага сакратара высока ацаніла дзейнасць Беларусі па дасягненні МУР, асабліва адзначыла ўключэнне ўсіх зацікаўленых бакоў у гэтую працу. А.Махамед запэўніла ў актыўнай падтрымцы з боку ААН гэтага працэсу.
Акрамя таго, бакі закранулі тэму краін з сярэднім узроўнем даходу ў кантэксце важнасці гэтых краін для выканання Парадку-2030.
А.Дапкюнас таксама правёў сустрэчу з намеснікам Генеральнага сакратара ААН па пытаннях барацьбы з тэрарызмам Уладзімірам Варанковым.
Бакі памяняліся думкамі аб бягучай сітуацыі і новых выкліках у галіне барацьбы з тэрарызмам. Беларускі дыпламат праінфармаваў У.Варанкова аб беларускіх ініцыятывах па барацьбе з тэрарызмам у рамках міжнародных арганізацый, запрасіў яго да ўдзелу ў запланаваным у кастрычніку 2018 г. у Беларусі мерапрыемстве па лініі АБСЕ адносна барацьбы з кібертэрарызмам.
У.Варанкоў паведаміў аб працэсе фарміравання контртэрарыстычнага ўпраўлення ААН, а таксама аб бліжэйшых планах, уключаючы правядзенне першага ў гісторыі ААН саміту кіраўнікоў контртэрарыстычных органаў дзяржаў-сябраў ААН у чэрвені 2018 г.
Для даведкі: Новае контртэрарыстычнае ўпраўленне (КТУ) было створана ў структуры сакратарыята ААН у 2017 годзе, што стала адным з элементаў ініцыяванай Генеральным сакратаром ААН А.Гутэрышам рэформы сакратарыята ААН. Намеснік Генеральнага сакратара У.Варанкоў кіруе КТУ, а таксама выступае ў якасці старшыні контртэрарыстычнай мэтавай групы і выканаўчага дырэктара контртэрарыстычнага цэнтра ААН.
У.Варанкоў даў высокую адзнаку намаганням Беларусі ў галіне барацьбы з тэрарызмам, а таксама выказаў гатоўнасць да далейшага ўзаемадзеяння, у тым ліку правядзення сумесных мерапрыемстваў у галіне барацьбы з тэрарызмам у кіберпрасторы.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by