Аб візіце намесніка Міністра замежных спраў Беларусі А.Дапкюнаса ў Рэспубліку Карэя
06 верасня 2018 г.06-09-2018
5 верасня 2018 г. у рамках візіта ў Сеул (Рэспубліка Карэя) беларускай дэлегацыі на чале з намеснікам Міністра замежных спраў Рэспублікі Беларусь Андрэем Дапкюнасам адбыўся беларуска-карэйскі круглы стол.
Мерапыремства арганізавана пры падтрымцы Карэйскай федэрацыі прамысловасці і іншых бізнес-асацыяцый. Карэйскім дзелавым колам быў прадстаўлены эканамічны патэнцыял і інвестыцыйны клімат Беларусі, а таксама шэраг перспектыўных праектаў.
Падчас сустрэчы з Віцэ-міністрам замежных спраў Рэспублікі Карэя Чо Хёнам бакі дамовіліся садзейнічаць актывізацыі палітычнага дыялогу, у тым ліку шляхам абмену візітамі высокага ўзроўню, выказалі неабходнасць развіцця супрацоўніцтва ў галіне эканомікі, навукі, высокіх тэхналогій.
З Віцэ-міністрам малога і сярэдняга бізнесу і стартапаў Рэспублікі Карэя Чхве Су Гю бакі адзначылі шляхі актывізацыі інавацыйнага і інвестыцыйнага супрацоўніцтва, садзейнічання развіццю кантактаў паміж малым і сярэднім бізнесам дзвюх дзяржаў, у тым ліку ў малых і сярэдніх гарадах Беларусі, а таксама магчымасці ўзаемадзеяння па пытаннях венчурнага фінансавання прыярытэтных навукова-тэхнічных распрацовак.
На сустрэчы з віцэ-прэзідэнтам і кіраўніком дэпартамента карпаратыўнай стратэгіі «Ханхва Кэмікал» Сім Джэ Сонам былі разгледжаны перспектыўныя кірункі супрацоўніцтва кампаніі з Беларуссю. Былі абмеркаваны магчымасці ініцыявання праектаў у галіне распрацоўкі хімічных і нафтахімічных прадуктаў у рамках інвестыцыйных праектаў і сумеснай вытворчасці.
А.Дапкюнас выказаў зацікаўленнасць у развіцці супрацоўніцтва беларускіх кампаній з іншымі падраздзяленнямі групы кампаній “Ханхва”, якія працуюць у галіне робататэхнікі, электронных сістэм, аэракасмічнага абсталявання і інш.
Для даведкі: Група кампаній «Ханхва» уваходзіць у топ-10 найбунейшых бізнес-кангламератаў у Рэспубліцы Карэя і ў топ-500 найбуйнешых сусветных кампаній «Fortune Global 500». У групу “Ханхва” уваходзяць кампаніі, якія спецыялізуюцца ў аэракасмічнай сферы, у галіне мехатронікі, будаўніцтва, хімічных матэрыялаў і энергетыкі, фінансаў і інвестыцый, паслуг і забаў. Агульная выручка групы каманій «Ханхва» у 2017 годзе склала больш за 55 млрд. долараў.
Падчас сустрэчы з дырэктарам карэйскай гандлёвай сеткі KTNET Кім Ёнг Хванам адзначана зацікаўленнасць у супрацоўніцтве ў галіне беспапяровага гандлю.
Адбылася таксама сустрэча А.Дапкюнаса з віцэ-старшынёй Карэйскай федэрацыі прамысловасці Квон Тхэ Сінам, кіраўніком парламенцкай групы па супрацоўніцтве з Рэспублікай Беларусь Нацыянальная асамблеі Рэспублікі Карэя Лі Вон Укам і прэзідэнтам Карэйскага інстытута міжнароднай эканамічнай палітыкі Лі Чжэ Ёнам.
На сустрэчы з віцэ-старшынёй Карэйскай федэрацыі прамысловасці Квон Тхэ Сінам былі акрэслены перспектывы двухбаковага ўзаемадзеяння па арганізацыі візітаў карэйскіх дзелавых колаў у Беларусь.
Перамовы з кіраўніком парламенцкай групы па супрацоўніцтве з Рэспублікай Беларусь Лі Вон Укам былі прысвечаны перспектывам правядзення двухбаковых мерапрыемстваў у рамках міжпарламенцкага ўзаемадзеяння.
З кіраўніцтвам Карэйскага інстытута міжнароднай эканамічнай палітыкі, які з’яўляецца адным з вядучых аналітычных цэнтраў Рэспублікі Карэя ў галіне рэгіянальных эканамічных даследаванняў, бакі абмяняліся поглядамі наконт перспектыў эканамічнага супрацоўніцтва Беларусі і Карэі, правядзення сумесных эканамічных даследаванняў, у тым ліку ў кантэксце рознага роду еўразійскіх ініцыятыў.
У ходзе гутаркі з выканаўчым віцэ-прэзідэнтам Выставачна-кангрэснага комплексу COEX Кім Мён Сінам члены беларускай дэлегацыі выказалі зацікаўленасць у супрацоўніцтве ў сферы выставачна-кірмашовай дзейнасці, у тым ліку удзеле беларускіх арганізацый у выставах высокатэхналагічнай прадукцыі на тэрыторыі Карэі.
З выканаўчым віцэ-старшынёй Карэйскай ассацыяцыі міжнароднага гандлю Хан Чжын Хёнам суразмоўцы адзначылі напрамкі актывізацыі гандлёва-эканамічнага супрацоўніцтва, узаемадзеяння ў галіне электроннага ўраду і беспапяровага гандлю, дамовіліся садзейнічаць развіццю кантактаў паміж беларускімі і карэйскімі дзелавымі коламі.
русская версия English version
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by