Аб сустрэчы намесніка Міністра замежных спраў Беларусі А.Дапкюнаса з кіраўніком Прадстаўніцтва ЕС у Беларусі
16 ліпеня 2018 г.16-07-2018
16 ліпеня 2018 г. намеснік Міністра замежных спраў Рэспублікі Беларусь Андрэй Дапкюнас сустрэўся з кіраўніком Прадстаўніцтва Еўрапейскага саюза ў Беларусі Андрэа Віктарын.
А.Віктарын праінфармавала беларускі бок аб выніках пасяджэння ў г.Вене сумеснай камісіі на ўзроўні міністраў* па сумесным усёабдымным плану дзеянняў па ўрэгуляванні сітуацыі вакол іранскай ядзернай праграмы.
Суразмоўцы ў чарговы раз падкрэслілі прыхільнасць Беларусі і Еўрапейскага саюза сумеснаму усёабдымнаму плану дзеянняў па іранскай ядзернай праграме і значэнне гэтага дакумента для захавання рэгіянальнага міру і бяспекі.
Намеснік Міністра адзначыў неабходнасць пошуку практычных шляхоў захавання сумеснага ўсёабдымнага плана дзеянняў і важнасць распрацоўкі і ўзгаднення калектыўных механізмаў супрацоўніцтва, якія маглі б нейтралізаваць наступствы аднабаковых экстэрытарыяльных санкцый.
Падчас размовы бакі таксама абмеркавалі развіццё ўзаемадзеяння паміж Беларуссю і Еўрапейскім саюзам у галіне абароны правоў чалавека, у тым ліку ў кантэксце ўдзелу беларускіх прадстаўнікоў у саміце “Адкрыты ўрад” у г.Тбілісі (Грузія) па праблематыцы ўзаемадзеяння грамадзянскай супольнасці і ўладаў і пятым раўндзе двухбаковага дыялогу па правах чалавека, які пройдзе ў Мінску 17 ліпеня.
-----------------------------------------------------------------------------
*У пасяджэнні прынялі ўдзел міністры замежных спраў Германіі, Ірана, Кітая, Расіі, Францыі, а таксама Высокі прадстаўнік па замежных справах і палітыцы бяспекі ЕС і Міністр па справах Блізкага Ўсходу і Паўночнай Афрыкі знешнепалітычнага ведамства Вялікабрытаніі
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр заканадаўства і прававой інфармацыі
www.center.gov.byАфіцыйны сайт Рэспублікі Беларусь
www.belarus.by