Аб сустрэчы намесніка Міністра замежных спраў Беларусі А.Дапкюнаса з урадавай дэлегацыяй правінцыі Гуандун
30 лістапада 2018 г.30-11-2018
29 лістапада 2018 г. намеснік Міністра замежных спраў Рэспублікі Беларусь Андрэй Дапкюнас сустрэўся з урадавай дэлегацыяй правінцыі Гуандун (Кітайская Народная Рэспубліка) на чале з намеснікам генеральнага дырэктара Канцылярыі знешніх сувязей Народнага ўрада правінцыі Гуандун Ло Цзюням. Кітайская дэлегацыя знаходзіцца з рабочым візітам у Беларусі па запрашэнні Мінскага аблвыканкама. Сустрэча стала працягам дыялогу намесніка Міністра з уладамі правінцыі, пачатага падчас яго візіту ў Гуанчжоу 8 лістапада 2018 года.
Да даведкі: У правінцыі Гуандун пражывае каля 120 млн.чалавек. Рэгіён займае лідзіруючыя пазіцыі ў эканоміцы Кітая. На Гуандун прыходзіцца дзясятая частка агульнага аб'ёму ВУП КНР і чвэрць нацыянальнага экспарту. У правінцыі размяшчаюцца тры з пяці спецыяльных эканамічных зон Кітая (Шэньжэнь, Шаньтоу і Чжухай), а таксама штаб-кватэры і галаўныя аддзялення найбуйнейшых кітайскіх кампаній, якія актыўна супрацоўнічаюць з Беларуссю. Сярод іх — Хуавэй, ZTE, Чайна мэрчантс груп, Мідэя. Гуандунскія кампаніі з'яўляюцца найбуйнейшымі кітайскімі інвестарамі ў Беларусь і складаюць траціну кітайскіх рэзідэнтаў кітайска-беларускага індустрыяльнага парку “Вялікі камень”.
На сустрэчы была падкрэслена асаблівая роля і месца правінцыі Гуандун у кантэксце ўсебаковага беларуска-кітайскага супрацоўніцтва. Суразмоўцы віталі нядаўняе адкрыццё ў Гуанчжоу, сталіцы правінцыі, Генеральнага консульства Рэспублікі Беларусь як важны крок у развіцці двухбаковага супрацоўніцтва.
З улікам значнага эканамічнага патэнцыялу правінцыі Гуандун і установак кіраўніцтва КНР аб неабходнасці больш актыўнай работы кітайскіх кампаній за мяжой суразмоўцы абмеркавалі магчымасці для пашырэння інвестыцыйнага супрацоўніцтва з Беларуссю вядучых кітайскіх кампаній, у тым ліку сусветнага ўзроўню, якія працуюць у правінцыі Гуандун, перш за ўсё, у кантэксце важнасці дынамічнага развіцця кітайска-беларускага індустрыяльнага парку “Вялікі камень”.
А.Дапкюнас і Ло Цзюнь абмеркавалі магчымыя формы садзейнічання з боку органаў дзяржаўнага кіравання Беларусі і Кітая, у тым ліку з боку Народнага ўрада правінцыі Гуандун, распрацоўцы на прынцыпах міжсектаральнага каардынацыі прарыўных беларуска-кітайскіх праектаў супрацоўніцтва па рэгіянальнай лініі, якія б аб'ядноўвалі намаганні і заахвочвалі прамыя кантакты i сумесныя iнiцыятывы беларускіх і кітайскіх прамысловых і сельскагаспадарчых вытворцаў, турыстычных аператараў, авіякампаній і г.д.
Суразмоўцы таксама адзначылі значны патэнцыял развіцця супрацоўніцтва Беларусі з правінцыяй Гуандун у галіне турызму. А.Дапкюнас інфармаваў кітайскага госця аб запланаваных у г.Мінску ў снежні 2018 года мерапрыемствах у сувязі з завяршэннем Году турызму Беларусі ў Кітаі і выказаў надзею на ўдзел у іх гуандунскіх прадстаўнікоў. Ло Цзюнь адзначыў зацікаўленасць кітайскіх студэнтаў у атрыманні вышэйшай адукацыі ў Беларусі.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by