Аб удзеле намесніка Міністра замежных спраў Беларусі А.Дапкюнаса ва ўрачыстым мерапрыемстве з нагоды 70-годдзя Усеагульнай дэкларацыі правоў чалавека
10 снежня 2018 г.10-12-2018
10 снежня 2018 г. з нагоды 70-годдзя Усеагульнай дэкларацыі правоў чалавека і Міжнароднага дня правоў чалавека ў Нацыянальнай бібліятэцы Беларусі Міністэрства замежных спраў Рэспублікі Беларусь і Прадстаўніцтва ААН у Мінску прадставілі адмысловае выданне Дэкларацыі на беларускай мове.
У сваім выступленні намеснік Міністра замежных спраў Рэспублікі Беларусь Андрэй Дапкюнас адзначыў, што прыняцце дэкларацыі стала свядомым і смелым крокам дзяржаў-членаў Арганізацыі Аб’яднаных Нацый, адной з якіх была Беларусь, па ўхваленні гуманных прынцыпаў далейшага развіцця чалавецтва. Менавіта дэкларацыя заклала падмурак міжнародных стандартаў у галіне правоў чалавека і дала імпульс іх укараненню ў міжнароднае і нацыянальнае заканадаўства. На думку намесніка кіраўніка МЗС Беларусі, сёння пытанні правоў чалавека павінны разглядацца поруч з пытаннямі бяспекі і ўстойлівага развіцця і ні адно з іх немагчыма вырашыць без забеспячэння двух іншых.
А.Дапкюнас падкрэсліў глыбокі сімвалізм распаўсюджвання Усеагульнай дэкларацыі правоў чалавека менавіта на роднай мове, бо ўсведамленне чалавекам сваіх неад’емных правоў і шчырае шанаванне ім матчынай мовы сугучныя ў тым, што ідуць ад сэрца. Намеснік Міністра выказаў меркаванне, што кожная дзяржава, якая разумее гэта, здольная – як праз забеспячэнне эфектыўнай аховы і заахвочванне правоў сваіх грамадзянаў, так і праз зацікаўленую падтрымку роднага слова – задзейнічаць невычэрпную крыніцу грамадскай падтрымкі намаганняў дзяржавы на цярністым шляху дасягнення ўстойлівага развіцця грамадства, міру і бяспекі.
Удзел у святкаванні Міжнароднага дня правоў чалавека ўзялі дэпутаты беларускага парламента, прадстаўнікі дзяржаўных органаў, міжнародных арганізацый і дыпламатычнага корпуса, устаноў адукацыі і няўрадавых арганізацый.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by