Аб уручэнні дырэктару Нацыянальнага цэнтра маркетынгу і кан'юнктуры цэн Міністэрства замежных спраў Беларусі В.Садоху медалі Дружбы Лаоскай Народна-Дэмакратычнай Рэспублікі
06 лютага 2018 г.06-02-2018
5 лютага 2017 г. Надзвычайны і Паўнамоцны Пасол Лаоскай Народна-Дэмакратычнай Рэспублікі (ЛНДР) у Расійскай Федэрацыі і Рэспубліцы Беларусь па сумяшчальніцтве Сівіенгпхет Пхетворасак уручыў дырэктару Нацыянальнага цэнтра маркетынгу і кан'юнктуры цэн Міністэрства замежных спраў Рэспублікі Беларусь Валерыю Садоху медаль Дружбы ЛНДР.
В.Садоха, які ў 2011 — 2016 гг. прадстаўляў інтарэсы Беларусі ў Лаосе ў якасці Надзвычайнага і Паўнамоцнага Пасла па сумяшчальніцтве, быў удастоены гэтай узнагароды за істотны асабісты ўклад ва ўмацаванне беларуска-лаоскіх адносін.
Падчас сустрэчы з Паслом Лаоса В.Садоха адзначыў актывізацыю двухбаковых кантактаў на вышэйшым і высокім узроўні ў апошнія гады.
С.Пхетворасак, у сваю чаргу, выказаў перакананасць у тым, што гандлёва-эканамічнае ўзаемадзеянне паміж Беларуссю і Лаосам мае патэнцыял для развіцця.
У рамках сустрэчы ў Нацыянальным цэнтры маркетынгу і кан'юнктуры цэн былі абмеркаваны перспектывы развіцця двухбаковага супрацоўніцтва ў розных сферах. Лаоскаму боку быў прадстаўлены экспартны патэнцыял Беларусі і комплекс паслуг і магчымасцей Нацыянальнага цэнтра маркетынгу і кан'юнктуры цэн па аказанні садзейнічання кампаніям у развіцці знешнеэканамічнай дзейнасці.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by