Аб перагаворах Міністра замежных спраў Беларусі С.Алейніка з намеснікам Прэм'ер-міністра ‒ Міністрам замежных спраў Пакістана і намеснікам Міністра замежных спраў Ірана

21 мая 2024 г. Міністр Сяргей Алейнік на палях СМЗС ШАС у г.Астане правёў перагаворы з намеснікам Прэм'ер-міністра ‒ Міністрам замежных спраў Ісламскай Рэспублікі Пакістан Мухамадам Ісхакам Даром.

Бакі грунтоўна абмеркавалі развіццё беларуска-пакістанскага палітычнага і гандлёва-эканамічнага супрацоўніцтва.

У сувязі з гэтым асобная ўвага была ўдзелена канкрэтызацыі і ўзгадненню шэрага сумесных мерапрыемстваў на розных узроўнях, запланаваных да правядзення ў бягучым годзе.

Суразмоўцы таксама абмеркавалі пашырэнне ўзаемадзеяння ў міжнародных арганізацыях, дамовіліся ўзмацніць каардынацыю і прадоўжыць узаемную падтрымку.

Намеснік Міністра замежных спраў Ірана Мехдзі Сафары падчас двухбаковай сустрэчы выказаў словы ўдзячнасці ў адрас Прэзідэнта Рэспублікі Беларусь і ўсяго беларускага народа за падтрымку і спачуванне ў сувязі з трагічнай гібеллю Кіраўніка іранскай дзяржавы і асоб, якія яе суправаджалі.

Іранскі дыпламат пацвердзіў нязменнасць падыходаў афіцыйнага Тэгерана да выканання ўсіх дамоўленасцей, дасягнутых падчас візіту Прэзідэнта Беларусі ў Іран у 2023 годзе.

Бакі дамовіліся прадоўжыць актыўнае ўзаемадзеянне ва ўсіх бягучых двухбаковых і шматбаковых фарматах.

версія для друку