Аб сустрэчы намесніка Міністра замежных спраў Беларусі А.Дапкюнаса з Паслом Кітая

07-02-2020

7 лютага 2020 г. намеснік Міністра замежных спраў Рэспублікі Беларусь Андрэй Дапкюнас сустрэўся з Надзвычайным і Паўнамоцным Паслом Кітайскай Народнай Рэспублікі ў Рэспубліцы Беларусь Цуй Цымінам.

Беларускі і кітайскі дыпламаты працягнулі распачатае некалькімі днямі раней абмеркаванне скаардынаваных захадаў уладаў Беларусі і Кітая па папярэджанні распаўсюджвання каранавірусу і забеспячэнні належнай аховы здароўя насельніцтва. 

Намеснік Міністра і Пасол звярнулі ўвагу на важнасць выканання неаднаразова пацверджаных рэкамендацый Сусветнай арганізацыі аховы здароўя  аб неабходнасці папярэджання чуткаў і дэзінфармацыі ў сувязі са ўспышкай каронавіруса, а таксама непажаданасць увядзення абмежаванняў на перасоўванне людзей і гандаль таварамі, якія не адпавядаюць крытэрыям міжнародных медыка-санітарных правілаў.

Пасол КНР выказаў ад імя кітайскіх уладаў вялікую ўдзячнасць за чарговы гуманітарны груз, які Беларусь перадала Кітаю, і адзначыў, што Беларусь стала першай у свеце краінай, якая накіравала ў Кітай два самалёты з неабходнымі санітарнымі сродкамі аховы.

Падчас размовы А.Дапкюнас і Ц.Цымін таксама абмеркавалі шляхі ўдасканалення двухбаковага ўзаемадзеяння ў галіне грамадскай інфармацыі і шэраг пытанняў каардынацыі сумесных дзеянняў у рамках шматбаковых міжнародных арганізацый.

русская версия   English version

версія для друку