Аб сустрэчы намесніка Міністра замежных спраў Беларусі А.Дапкюнаса са спецыяльным пасланнікам МЗС Японіі
09 ліпеня 2018 г.09-07-2018
9 ліпеня 2018 г. намеснік Міністра замежных спраў Рэспублікі Беларусь Андрэй Дапкюнас прыняў спецыяльнага пасланніка Міністра замежных спраў Японіі Пасла Сэіці Конда, які знаходзіцца з візітам у Беларусі.
Бакі абмеркавалі пытанні развіцця двухбаковых адносін, актывізацыі беларуска-японскіх міждзяржаўных кантактаў, далейшага развіцця інфраструктуры дыпламатычнага ўзаемадзеяння і паглыблення супрацоўніцтва паміж дзвюма краінамі ў шматбаковых арганізацыях.
С.Конда закрануў пытанне рэфармавання Савета Бяспекі ААН у кантэксце ідэі фармалізацыі перамоўнага працэсу па яго рэформе на аснове прапанаванага групай краінаў праекта шматбаковага дакумента і неадкладнага пачатку перагавораў па гэтым пытанні ў ААН у Нью-Ёрку.
У адказ А.Дапкюнас адзначыў, што Беларусь падтрымлівае абмеркаванне шляхоў павышэння эфектыўнасці і прадстаўнічасці Савета Бяспекі ААН, але настойвае пры гэтым на ўзважаным, паступовым і кансэнсусным падыходзе да пытанняў рэформы. Намеснік Міністра падкрэсліў, што прынцыповай умовай паспяховых перагавораў па рэформе Савета Бяспекі ААН з’яўляецца ўмацаванне атмасферы дабразычлівасці і даверу паміж дзяржавамі-членамі ААН.
А.Дапкюнас выказаў меркаванне, што адпаведныя крокі і ініцыятывы асобных дзяржаў і груп дзяржаў, магчыма, не абавязкова прывязаныя да пытання рэформы Савета Бяспекі ААН, па памяншэнні міжнароднай напружанасці і пераадоленні глабальнага крызісу даверу маглі б стаць крытычным фактарам поспеху ў працэсе рэформы. На думку беларускага дыпламата, пакуль дастатковы фундамент даверу і ўзаемаразумення ў поўнай ступені не створаны, нават самыя прывабныя арганізацыйныя крокі не змогуць зрабіць больш эфектыўным галоўны орган ААН, закліканы вырашаць пытанні міжнароднага міру і бяспекі.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by