Аб візіце намесніка Міністра замежных спраў Беларусі А.Краўчанкі ў г.Вашынгтон

22-07-2019

16-18 ліпеня 2019 г. адбыўся візіт у г.Вашынгтон намесніка Міністра замежных спраў Рэспублікі Беларусь Алега Краўчанкі.

Цэнтральным элементам праграмы візіту стаў удзел у рабоце другой Міністэрскай канферэнцыі па прасоўванні свабоды веравызнання, ініцыяванай Дзяржаўным сакратаром ЗША Майклам Пампея.

У мерапрыемстве ўзялі ўдзел кіраўнікі і прадстаўнікі кіраўніцтва знешнепалітычных ведамстваў з 115 дзяржаў, а таксама рэлігійныя лідэры і прадстаўнікі грамадзянскай супольнасці з усяго свету. Канферэнцыя стала самай маштабнай падзеяй у галіне правоў чалавека, якая была арганізавана у Дзяржаўным дэпартаменце ЗША.

На канферэнцыі выступілі Віцэ-прэзідэнт ЗША Майкл Пенс і Дзяржаўны сакратар ЗША Майкл Пампеа.
У сваім выступленні намеснік Міністра замежных спраў Беларусі А.Краўчанка пацвердзіў прыхільнасць нашай краіны прынцыпам свабоды веравызнання, выклаў падыходы дзяржавы ў дадзенай галіне,  а таксама адзначыў гістарычна складзенае ў Беларусі мірнае суіснаванне розных рэлігійных канфесій.

Падчас візіту намеснік Міністра правёў сустрэчы са спецыяльным памочнікам Прэзідэнта ЗША, старшым дырэктарам па еўрапейскіх і расійскіх справах Савета нацыянальнай бяспекі Фіёнай Хіл, з выконваючым абавязкі памочніка Дзяржаўнага сакратара ЗША па еўрапейскіх і еўразійскіх справах Філіпам Рыкерам, першым намеснікам дырэктара офіса па пытаннях гандлю людзьмі Дзярждэпартамента Кары Джонстан, дырэктарам офіса Еўропы і Еўразіі Міністэрства фінансаў ЗША Брайанам Макколам.

Адбылася сустрэча А.Краўчанкі са старшынёй Камісіі ЗША па захаванні амерыканскай спадчыны за мяжой Полам Пекерам. Бакі абмеркавалі магчымасці двухбаковага ўзаемадзеяння, у тым ліку ў сферы развіцця турызму і захавання культурных аб'ектаў.

Таксама праведзены сустрэчы з прадстаўнікамі аналітычнай супольнасці і дзелавых колаў.

русская версия   English version

версія для друку