Аб удзеле Міністра замежных спраў Беларусі У.Макея ў сумесным пасяджэнні СМЗС, СМА, КССБ АДКБ

27 лістапада 2019 г.

27-11-2019

27 лістапада 2019 г. у г.Бішкеку (Кыргызская Рэспубліка) Міністр замежных спраў Рэспублікі Беларусь Уладзімір Макей прыняў удзел у сумесным пасяджэнні Савета міністраў замежных спраў, Савета міністраў абароны і Камітэта сакратароў саветаў бяспекі Арганізацыі Дамовы аб калектыўнай бяспецы.

На пасяджэнні бакі абмяняліся думкамі па пытаннях міжнароднага парадку дня з упорам на бягучую сітуацыю ў сферы бяспекі ў зоне адказнасці АДКБ, а таксама абмеркавалі ўзаемадзеянне дзяржаў — членаў Арганізацыі на міжнароднай арэне.

У сваім выступленні Міністр замежных спраў Беларусі У. Макей прадставіў пазіцыю беларускага боку па актуальных праблемах рэгіянальнай і міжнароднай бяспекі. Прыцягнуў увагу да нядаўніх беларускіх ініцыятыў, накіраваных на ўмацаванне даверу і зніжэнне напружанасці ў ваенна-палітычнай сферы. Падкрэсліў важнасць каардынацыі знешнепалітычных пазіцый дзяржаў — членаў і паглыблення ўзаемадзеяння АДКБ з іншымі міжнароднымі арганізацыямі і краінамі ў мэтах павышэння эфектыўнасці процідзеяння сучасным выклікам і пагрозам бяспецы.

Расійскі бок прадставіў прыярытэтныя напрамкі дзейнасці АДКБ на перыяд свайго будучага старшынства ў Арганізацыі ў 2020 годзе.

Удзельнікамі сумеснага пасяджэння быў ухвалены шэраг дакументаў, якія былі перададзены на разгляд сесіі Савета калектыўнай бяспекі АДКБ.