Аб візіце намесніка Міністра замежных спраў Беларусі А.Краўчанкі ў Іспанію

31-05-2018

31 мая 2018 г. падчас візіту намесніка Міністра замежных спраў Рэспублікі Беларусь Алега Краўчанкі ў Каралеўства Іспанія адбыўся чацвёрты раўнд беларуска-іспанскіх палітычных кансультацый на ўзроўні намеснікаў кіраўнікоў знешнепалітычных ведамстваў.

Іспанскую дэлегацыю ўзначаліў Дзяржаўны сакратар па справах Еўропы Міністэрства замежных спраў і супрацоўніцтва Хорхе Таледа Альбін’яна.

Падчас кансультацый бакі абмеркавалі пытанні палітычнага, гандлёва-эканамічнага, культурнага, гуманітарнага ўзаемадзеяння, развіццё дагаворна-прававой базы, узаемадзеянне ў рамках міжнародных арганізацый, актуальныя пытанні міжнароднага парадку дня.

У адпаведнасці з праграмай візіту А.Краўчанка прыняў удзел ва ўрачыстай цырымоніі адкрыцця офіса Пасольства Беларусі ў Іспаніі. Мерапрыемства сабрала прадстаўнікоў дзяржаўных органаў Іспаніі, паслоў і дыпламатаў замежных дзяржаў, прадстаўнікоў беларускай дыяспары і іспанскай грамадскасці.

У рамках ўрачыстай цырымоніі адзін з грамадзян Іспаніі атрымаў першую візу, выдадзеную беларускім Пасольствам ў Мадрыдзе.

русская версия   English version

версія для друку