Аб сустрэчы намесніка Міністра замежных спраў Беларусі А.Дапкюнаса з дэлегацыяй Міжнароднага цэнтра рэлятывісцкай астрафізічнай сеткі

24-04-2018

24 красавіка 2018 г. намеснік Міністра замежных спраў Рэспублікі Беларусь Андрэй Дапкюнас прыняў дэлегацыю Міжнароднага цэнтра рэлятывісцкай астрафізічнай сеткі (ICRANet, Ікранет) на чале з дырэктарам Цэнтра прафесарам Рэма Руфіні. Дэлегацыя наведвае г.Мінск для ўдзелу ў міжнародным навуковым сімпозіуме, прысвечаным памяці вядомага вучонага, ураджэнца Мінска Якава Зельдовіча.

Падчас сустрэчы бакі абмеркавалі пашырэнне міжнароднага навуковага супрацоўніцтва ў галіне рэлятывісцкай астрафізікі, удзел беларускіх вучоных у праграмах Ікранет, правядзенне сумесных даследаванняў і мерапрыемстваў. Р.Руфіні выказаў зацікаўленасць у афіцыйным далучэнні Беларусі да Ікранет і адкрыцці Цэнтрам свайго прадстаўніцтва ў Мінску.

Да даведкі: Міжнародны цэнтр рэлятывісцкай астрафізічнай сеткі (ICRANet) — міжнародная навуковая арганізацыя, створаная ў 2003 годзе ў г.Пескар (Італія). Дзейнасць арганізацыі накіравана на правядзенне і папулярызацыю даследаванняў у сферы рэлятывісцкай астрафізікі і сумежных абласцях. З красавіка 2017 года на базе інстытута фізікі НАН Беларусі працуе сумесны міжнародны цэнтр рэлятывісцкай астрафізікі Ікранет.

русская версия      English version

версія для друку