Памер шрыфта:

Аб сустрэчы Міністра замежных спраў Беларусі У.Макея з Міністрам замежных і еўрапейскіх спраў Славакіі

01 лістапада 2018 г.

1 лістапада 2018 г. адбылася сустрэча Міністра замежных спраў Рэспублікі Беларусь Уладзіміра Макея з Міністрам замежных і еўрапейскіх спраў Славацкай Рэспублікі Міраславам Лайчакам, які прыбыў у г.Мінск для ўдзелу ў сустрэчы Асноўнай групы Мюнхенскай канферэнцыі па бяспецы.

Кіраўнікі знешнепалітычных ведамставаў абмеркавалі шырокі спектр пытанняў беларуска-славацкіх адносін. Падкрэслена, што галоўным напрамкам двухбаковага ўзаемадзеяння з'яўляецца гандлёва-эканамічнае супрацоўніцтва. Беларускі і славацкі бакі абмеркавалі канкрэтныя планы па развіцці двухбаковых адносін на перспектыву і дамовіліся працягнуць сумесную працу па актывізацыі гандлю, спрыяць рэалізацыі сумесных эканамічных праектаў.

Міністры таксама разгледзелі тэматыку развіцця адносін паміж Беларуссю і Еўрапейскім саюзам, перспектыўныя сферы ўзаемадзеяння ў рамках іншых міжнародных і рэгіянальных арганізацый, у прыватнасці ААН і АБСЕ. Адбыўся абмен думкамі па шэрагу актуальных пытанняў міжнароднага парадку дня.

У.Макей павіншаваў славацкага калегу з паспяховым завяршэннем яго старшынства ў 72-й сесіі Генеральнай Асамблеі ААН.

версія для друку

Відэа МЗС

Aрхіў

Афіцыйныя інтэрнэт-рэсурсы