Аб сустрэчы Міністра замежных спраў Беларусі У.Макея з Міністрам замежных спраў Расіі
18 чэрвеня 2021 г.
18 чэрвеня 2021 г. у рамках рабочага візіту ў г.Маскву адбыліся перамовы ў расшыраным фармаце Міністра замежных спраў Рэспублікі Беларусь Уладзіміра Макея з Міністрам замежных спраў Расійскай Федэрацыі Сяргеем Лаўровым.
Разгледжаны шырокі спектр актуальных пытанняў двухбаковага парадку дня. Асаблівая ўвага нададзена каардынацыі дзеянняў на міжнародных пляцоўках, у тым ліку ў кантэксце ўзгодненай адэкватнай і прапарцыйнай рэакцыі бакоў на знешнія выклікі ў дачыненні да Беларусі і Расіі.
Міністры пацвердзілі зацікаўленасць дзвюх краін у развіцці інтэграцыйных працэсаў у рамках Саюзнай дзяржавы, ЕАЭС, паглыбленні ўзаемадзеяння на прасторы СНД, у рамках АДКБ. Абмеркавалі супрацоўніцтва ў ААН, АБСЕ, іншых міжнародных арганізацыях, выказалі намер і далей сумесна прасоўваць нацыянальныя інтарэсы Беларусі і Расіі ў шматбаковых фарматах.
У фокусе ўвагі знаходзілася таксама тэматыка забеспячэння рэгіянальнай і міжнароднай бяспекі. Дадзеная сфера будзе і далей рэгулярна абмяркоўвацца бакамі з улікам росту напружанасці і з абставінамі ў свеце і рэгіёне.
З улікам арганізаванай агрэсіўнай інфармацыйнай кампаніі супраць дзвюх краін узгоднены падыходы да далейшай сумеснай працы ў інфармацыйнай прасторы ў нацыянальных інтарэсах Беларусі і Расіі.
Міністры пацвердзілі намер працягнуць працу па паэтапным зняцці абмежаванняў на перамяшчэнне грамадзян праз беларуска-расійскую мяжу і да аднаўлення транспартных зносін з улікам эпідэміялагічнага становішча. Адзначылі важнасць прыняцця мер па спрашчэнні ўзаемнага ўезду аўтамабільным транспартам у інтарэсах суб'ектаў гаспадарання Беларусі і Расіі, а таксама грамадзян дзвюх краін.
Узгоднены графік бліжэйшых кантактаў і мерапрыемстваў знешнепалітычных ведамстваў на розных узроўнях, уключаючы сумеснае пасяджэнне калегій міністэрстваў восенню гэтага года. Падкрэслена эфектыўнасць двухбаковага ўзаемадзеяння ў знешнепалітычнай сферы.
У кантэксце падрыхтоўкі VIII Форуму рэгіёнаў Беларусі і Расіі, запланаванага да правядзення 28-30 чэрвеня 2021 г. у Маскоўскай вобласці, бакі падрабязна разгледзелі міжрэгіянальныя сувязі, якія з'яўляюцца важным складнікам расійска-беларускіх адносін і спрыяюць рэалізацыі значнага патэнцыялу гандлёва-эканамічнага і гуманітарнага супрацоўніцтва дзвюх краін.
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр заканадаўства і прававой інфармацыі
www.center.gov.byАфіцыйны сайт Рэспублікі Беларусь
www.belarus.by