Памер шрыфта:

Аб афіцыйным візіце Міністра замежных спраў Беларусі У.Макея ў Рэспубліку Балгарыя

06 лютага 2020 г.

06-02-2020

5-6 лютага 2020 г. адбыўся першы ў гісторыі двухбаковых адносін афіцыйны візіт Міністра замежных спраў Рэспублікі Беларусь Уладзіміра Макея ў Рэспубліку Балгарыя.

Падчас візіту адбылася сустрэча кіраўніка беларускай дэлегацыі з Прэзідэнтам Рэспублікі Балгарыя Руменам Радзевым. Бакі абмеркавалі ўвесь комплекс двухбаковых беларуска-балгарскіх адносін, намецілі перспектыўныя тэмы супрацоўніцтва, а таксама абмяняліся думкамі аб сумесных мерапрыемствах, накіраваных на забеспячэнне ўстойлівага развіцця дзвюх краін, на ўмацаванне стабільнасці і бяспекі ў еўрапейскім рэгіёне.

На сустрэчы са Старшынёй Народнага сходу Рэспублікі Балгарыя Цветай Караянчевай абмеркаваны актуальныя пытанні далейшага развіцця міжпарламенцкага супрацоўніцтва. Адзначана важнасць прамых кантактаў паміж дэпутатамі парламентаў, у тым ліку ў фармаце “груп дружбы” і ў рамках міжпарламенцкіх арганізацый.

З намеснікам Прэм'ер-міністра, Міністрам замежных спраў Балгарыі Кацярынай Захарыевай адбыўся падрабязны, зацікаўлены абмен думкамі па шырокім пераліку пытанняў двухбаковага, шматбаковага і рэгіянальнага парадку дня.

Бакі абмеркавалі перспектыўныя кірункі супрацоўніцтва Беларусі і Балгарыі ў палітычнай, гандлёва-эканамічнай і культурнай сферах, а таксама механізмы актывізацыі рэгіянальнага ўзаемадзеяння. Міністры пагадзіліся з мэтазгоднасцю правядзення ў бліжэйшай перспектыве чарговага пасяджэння Беларуска-Балгарскай Міжурадавай камісіі. Асобна падкрэслена неабходнасць далейшага прадметнага супрацоўніцтва ў рамках сфармаваных рабочых груп Камісіі — па пытаннях турызму, навукова-тэхнічнага супрацоўніцтва, сельскай гаспадаркі, транспарту і адукацыі. У гэтым жа кантэксце пацверджана гатоўнасць бакоў да правядзення адначасова з пасяджэннем Камісіі чарговага двухбаковага бізнес-форуму.

Значная частка перамоў была прысвечана пытанням развіцця супрацоўніцтва Рэспублікі Беларусь з Еўрапейскім саюзам. У гэтым кантэксце беларускі бок пацвердзіў адкрытасць да далейшай актывізацыі кантактаў з ЕС у цэлым, а таксама імкненне да раўнапраўнага ўзаемавыгаднага ўзаемадзеяння з яго членамі. Падкрэслена гатоўнасць Беларусі да працягу работы па фарміраванні нарматыўнай базы супрацоўніцтва з ЕС.

У рамках візіту адбылася сустрэча Міністра замежных спраў Беларусі з прадстаўнікамі балгарскага бізнесу, якія працуюць на беларускім напрамку. Канстатаваўшы дынамічны характар развіцця двухбаковага гандлёва-эканамічнага супрацоўніцтва, У.Макей падкрэсліў наяўнасць перспектыўных тэм узаемадзеяння ў гэтай сферы. Удзельнікі сустрэчы абмяняліся думкамі аб магчымасцях правядзення сумесных мерапрыемстваў, у тым ліку па лініі асацыяцый бізнесу дзвюх краін, накіраваных на пашырэнне дзелавых кантактаў і рэалізацыю ўзаемавыгадных праектаў.

русская версия   English version

версія для друку

Відэа МЗС

Aрхіў

Афіцыйныя інтэрнэт-рэсурсы