Аб 15-м пасяджэнні Беларуска-Аўстрыйскай міжурадавай камісіі па гандлёва-эканамічным супрацоўніцтве
19 сакавіка 2019 г.19-03-2019
19 сакавіка 2019 г. у г. Мінску прайшло 15-е пасяджэнне Беларуска-Аўстрыйскай міжурадавай камісіі па гандлёва-эканамічным супрацоўніцтве.
Беларускую дэлегацыю ўзначаліў намеснік Міністра замежных спраў Алег Краўчанка, аўстрыйскую – генеральны дырэктар па знешнеэканамічных сувязях Федэральнага міністэрства дыгіталізацыі і эканамічнай палітыкі Франц Весіг.
Падчас сустрэчы бакі разгледзелі актуальныя пытанні ўзаемнага гандлю, супрацоўніцтва ў сферах аднаўляльнай энергетыкі і энергаэфектыўнасці, турызму, сельскай гаспадаркі, транспарту, рэгіянальных сувязей.
Асаблівая ўвага была нададзена ўзаемадзеянню ў галіне інвестыцый і фінансаў, а таксама ў такіх перспектыўных напрамках, як дыгіталізацыя эканомікі і інфармацыйныя тэхналогіі.
Дэлегацыі дамовіліся аб рэалізацыі шэрагу канкрэтных крокаў, закліканых надаць дадатковы імпульс развіццю супрацоўніцтва ў сферах узаемнага інтарэсу.
Дамоўленасці бакоў знайшлі адлюстраванне ў пратаколе пасяджэння камісіі, які быў падпісаны А.Краўчанкам і Ф.Весігам па завяршэнні мерапрыемства.
Даведачна. У 2018 годзе таваразварот з Аўстрыяй склаў 171,4 млн. долараў ЗША (96,6% да ўзроўню 2017 года), экспарт – 28,4 млн. долараў (149,5%), імпарт – 143,0 млн. долараў (90,3%).
Важным складнікам беларуска-аўстрыйскага эканамічнага ўзаемадзеяння з'яўляецца гандаль паслугамі. У 2018 годзе яго аб’ём вырас на 67,8% і дасягнуў 185,3 млн. долараў. Пры гэтым экспарт павялічыўся на 63,1% да 116,1 млн. долараў, імпарт – на 76,5% да 69,2 млн. долараў.
Аўстрыя традыцыйна ўваходзіць у лік найбуйнейшых інвестараў у эканоміку Беларусі. У 2018 годзе аб'ём інвестыцый з гэтай краіны склаў 296,7 млн. долараў (100,2% да ўзроўню 2017 года).
Афіцыйныя інтэрнэт-рэсурсы
Прэзідэнт Рэспублікі Беларусь
www.president.gov.byСавет Міністраў Рэспублікі Беларусь
www.government.gov.byСавет Рэспублікі
www.sovrep.gov.byПалата Прадстаўнікоў
www.house.gov.byМіжнародны ІКТ-Форум ТІБО-2022
www.tibo.byПрававы форум Беларусі
www.forumpravo.byТэлеканал «Беларусь 24»
www.belarus24.byРадыёстанцыя «Беларусь»
www.radiobelarus.byБеларуская універсальная таварная біржа
www.butb.byНацыянальнае агенцтва па турызму
www.belarustourism.byНацыянальнае агенцтва інвестыцый і прыватызацыі
www.investinbelarus.byНацыянальны цэнтр прававой інфармацыі
www.ncpi.gov.byАфіцыйны сайт Рэспублікі Беларусь
www.belarus.by