Пастаянны прадстаўнік Беларусі ў АБСЕ А.Купчына прыняла ўдзел у заключнай сустрэчы 26-га Эканоміка-экалагічнага форуму АБСЕ

07-09-2018

5 – 7 верасня 2018 г. у г.Праге (Чэхія) адбылася заключная сустрэча 26-га Эканоміка-экалагічнага форуму (ЭЭФ) АБСЕ на тэму «Садзейнічанне эканамічнаму прагрэсу і бяспекі ў рэгіёне АБСЕ праз інавацыі, развіцце чалавечага капіталу і належнага дзяржаўнага і карпаратыўнага кіравання», у якой прынялі ўдзел Генеральны сакратар АБСЕ Томас Грэмінгер, намеснік Міністра замежных спраў і міжнароднага супрацоўніцтва Італіі Гульельмо Піккі, намеснік Міністра замежных спраў Чэхіі Томаш Петрычэк, дэлегацыі 57 дзяржаў-удзельнікаў АБСЕ.

Рэспубліку Беларусь на мерапрыемстве прадставіла Пастаянны прадстаўнік у АБСЕ Алена Купчына.

У фокусе ўвагі ўдзельнікаў заключнай сустрэчы знаходзіліся наступныя асноўныя пытанні: папулярызацыя шматбаковага падыходу да выкарыстання магчымасцяў лічбавай эканомікі; забеспячэнне бяспекі лічбавых тэхналогій у прадпрымальніцкім сектары; лічбавыя інавацыі як інструмент умацавання належнага дзяржаўнага і карпаратыўнага кіравання; заахвочванне наватарскіх бізнес-мадэляў і эканамічнай узаемазвязанасці ў лічбавую эпоху; выкарыстанне магчымасцяў і пераадоленне цяжкасцяў на шляху развіцця чалавечага капіталу ў лічбавую эпоху; падрыхтоўка ўкладу дзяржаў-удзельнікаў у міністэрскую сустрэчу АБСЕ ў Мілане на эканоміка-экалагічным трэку.

У сваім выступе Алена Купчына адзначыла, што Беларусь паслядоўна прасоўвае пытанні цыфравізацыі эканомікі, максімальнага выкарыстання патэнцыялу лічбавых тэхналогій у мэтах, нароўні з іншым, сінэргетычнага развіцця лічбавай і транспартнай інфраструктуры, гарманізацыі лічбавых рынкаў, што спрыяе пашырэнню гандлёва-эканамічнага супрацоўніцтва паміж дзяржавамі-ўдзельніцамі АБСЕ у цэлым.

Кіраўнік беларускай дэлегацыі выказала меркаванне пра важнасць ўзаемадзеяння ў сферы лічбавай эканомікі, выбудоўвання эфектыўных узаемасувязяў ў лічбавым прасторы як паміж краінамі, так і рознымі інтэграцыйнымі працэсамі на Еўразійскім кантыненце.

Алена Купчына таксама выступіла мадэратарам заключнай сесіі ЭЭФ, падчас якой генеральны сакратар АБСЕ, прадстаўнікі дзеючага італьянскага і маючаго адбыцца славацкага старшынстваў АБСЕ падвялі вынікі мерапрыемства.

версія для друку