Áåëàðóñü . Ôàêòû

Аб выніках візіту Міністра замежных спраў Беларусі У.Макея ў Вялікабрытанію

28-03-2018

27-28 сакавіка 2018 г. адбыўся афіцыйны візіт Міністра замежных спраў Рэспублікі Беларусь Уладзіміра Макея ў Злучанае Каралеўства Вялікабрытаніі і Паўночнай Ірландыі. Гэта першы візіт кіраўніка знешнепалітычнага ведамства Беларусі ў Вялікабрытанію з 1993 года.

У рамках візіту адбылася сустрэча У.Макея з Міністрам замежных спраў і па справах Садружнасці Барысам Джонсанам, падчас якой абмеркаваны перспектывы развіцця двухбаковых адносін у кантэксце актуальнай сітуацыі ў еўрапейскім рэгіёне, у тым ліку выхаду Вялікабрытаніі з Еўрасаюза.

Адзначана зацікаўленасць бакоў у далейшым развіцці двухбаковых адносін ва ўсіх абласцях, а таксама ў прасоўванні ініцыятыў, якія былі б накіраваны на паслабленне напружанасці міжнароднага становішча ў рэгіёне.

Праведзены перагаворы па шырокім спектры палітычных і эканамічных пытанняў з Дзяржаўным міністрам па справах Еўропы і Амерыкі Міністэрства замежных спраў Аланам Дунканам і Дзяржаўным міністрам па гандлёвай палітыцы Міністэрства знешняга гандлю Вялікабрытаніі Грэгам Хэдсам.

Сустрэча Міністра замежных спраў Беларусі У.Макея з Дзяржаўным міністрам па гандлёвай палітыцы Міністэрства знешняга гандлю Вялікабрытаніі

Па выніках афіцыйных сустрэч былі падпісаны дакументы: аб гандлёва-эканамічным супрацоўніцтве, які прадугледжвае стварэнне міжурадавага Гандлёвага дыялогу для садзейнічання далейшаму развіццю ўзаемнага гандлю і інвестыцый паміж Беларуссю і Вялікабрытаніяй, а таксама аб узаемадзеянні паміж мытнымі органамі дзвюх краін.

У Вестмінстэрскім палацы прайшла сустрэча У.Макея з вядомымі брытанскімі парламентарыямі, якія ўваходзяць у міжпартыйную групу па Беларусі. Адзначана важнасць замацавання станоўчай дынамікі ў дыялогу паміж народнымі прадстаўнікамі абедзвюх краін.

У Кенсінгтонскім палацы Міністр сустрэўся з членам каралеўскай сям'і Прынцам Майклам Кентскім, раней якія наведвалі Рэспубліку Беларусь. Адбыўся зацікаўлены абмен думкамі па пытаннях двухбаковага ўзаемадзеяння ў эканамічнай і гуманітарнай галінах.

У лонданскім Сіці Міністр замежных спраў Беларусі правёў перагаворы з Віцэ-прэзідэнтам Еўрапейскага банка рэканструкцыі і развіцця П'ерам Хейлбронам, падчас якіх абмеркаваны ўвесь комплекс пытанняў, звязаных з работай гэтай міжнароднай фінансавай арганізацыі ў Беларусі. Разгледжаны ход рэалізацыі бягучых праектаў у рамках Стратэгіі ЕБРР для Беларусі на 2016 — 2019 гады.

Падчас сустрэчы з Прэзідэнтам Банка Сумай Чакрабарці бакамі адзначана пазітыўная дынаміка ў аб'ёмах аперацый у Беларусі і пашырэнне сфер узаемадзеяння, у тым ліку за кошт падрыхтоўкі да рэалізацыі новых праектаў у транспартным, энергетычным, банкаўска-фінансавым і іншых сектарах.

У штаб-кватэры ЕБРР падпісана крэдытнае пагадненне па праекце рэканструкцыі аўтамабільнай дарогі Р-80 (участак другой кальцавой дарогі вакол г.Мінска). Рэалізацыя праекта дасць магчымасць завяршыць будаўніцтва другой кальцавой дарогі вакол г.Мінска да адкрыцця II Еўрапейскіх гульняў у 2019 годзе. З улікам сродкаў, выдзеленых Банкам для праекта (42.45 млн. еўра), агульны аб'ём фінансавых рэсурсаў, прадастаўленых ЕБРР Беларусі за перыяд з 1992 года, перавысіў 2 мільярда еўра.

У Цэнтры еўрапейскіх рэформ Міністр прыняў удзел у «круглым стале» па тэме «Сучасная Беларусь і яе месца ў Еўропе” з удзелам вядучых брытанскіх аналітычных цэнтраў (Каралеўскага інстытута міжнародных адносін, Міжнароднага інстытута стратэгічных даследаванняў, Еўрапейскага савета па міжнародных адносінах і інш.). Выкладзена пазіцыя Рэспублікі Беларусь па актуальных пытаннях міжнароднага парадку дня.

Візіт кіраўніка знешнепалітычнага ведамства Беларусі ў Вялікабрытанію будзе садзейнічаць нарошчванню двухбаковага супрацоўніцтва і ўнясе пазітыўны ўклад ва ўмацаванне рэгіянальнай стабільнасці.

Да даведкі: Вялікабрытанія з’яўляецца адным з вядучых эканамічных партнёраў Рэспублікі Беларусь. У апошнія некалькі гадоў Вялікабрытанія ўстойліва займае трэцяе месца па экспарту беларускіх тавараў. У 2017 годзе тавараабарот паміж Рэспублікай Беларусь і Вялікабрытаніяй склаў 2 656,6 млн. даляраў, экспарт — 2 407,3 млн. даляраў, імпарт — 249,3 млн. даляраў. Сальда станоўчае — 2 157,0 млн. даляраў.

Вялікабрытанія займае другое месца па аб’ёму прыцягнутых у эканоміку Рэспублікі Беларусь прамых замежных інвестыцый. Па выніках 2017 года аб’ём брытанскіх інвестыцый у эканоміку Беларусі склаў 2 591,3 даляраў, прамыя інвестыцыі – 2 456,4 млн. даляраў.

русская версия      English version